Mavzular: Pedagogik mahorat haqida tushuncha, uning oʻqituvchi faoliyatidagi oʻrni va ahamiyati. Pedagogik fikr tarixi va maktab amaliyotida

Pedagogik faoliyatning tuzilishi va turlari. Pedagogik faoliyat yosh avlodni hayotga, mehnatga tayyorlash uchun jamiyat oldida, davlat oldida javob beradigan, ta’lim-tarbiya beri­shda maxsus tayyorlangan oʻqituvchilar mehnati faoliyatidir.
Pedagogik jarayonning mohiyatini anglamagan, bolaga nisbatan chuqur hurmatda boʻlmagan oʻqituvchi ta’lim-tarbiya samaradorligi va inson kamolotini ta’minlovchi fikrga ega boʻlmaydi. Pedagogik jara­yonning vazifasi bilim berish, tarbiyalash, rivojlantirish boʻlib, oʻqituvchilarning faoliyat mezonini begilab beradi. Oʻqituvchilarning faoliyati pedagogik jarayonning harakat vositasidir. Pedagogik jarayonning obyektlari boʻlmish tarbiyalanuvchi insonga, oʻquvchi va oʻquvchilar guruhiga hamda alohida oʻquvchiga, pedagogik jarayonning subyektlari ─ ota-onalar, oʻqituvchilar, tarbiyachilar, sinf jamoasi, pedagogik jamoa mas’uldirlar va ular jamiyat talablari asosida ta’lim va tarbiya berish faoliyatini bajaradilar. A.Holiqov tomonidan e’tirof etilganidek, oʻqituvchining pedagogik faoliyatida ijobiy nati­ja­larga erishishi, mehnat malakasini, ya’ni egallagan bilimlarini oʻzining hayotiy va amaliy faoliyatida nechogʻlik qoʻllay bilishi bilan belgilanadi.