Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

Kardinal (lot. “bosh, rahbatlik qiluvchi”) – katolik cherkovida papadan keyingi oliy diniy unvon.
Madonna (ital. “mening bekam”) – katoliklarda Bibi Mariyam va uning rasm hamda haykal shaklidagi tasviri shunday nomlanadi.
Miniyatyura (iatl.) – O’rta asr qo’lyozma kitoblarini bezagan rasm va tasvirlar.
Parlament (fr. “gapirmoq”) – Angliyada 1265-yilda vujudga kelgan oliy tabaqaviy-vakillik muassasasi. Dastlab parlament faqat yangi soliqlarni joriy etish masalasini hal etgan. XIV asrdan boshlab qonunlar qabul qilish huquqiga ham ega bo’lgan. Hozirgi kunga kelib parlamentlar deyarli barcha davlatlarda oliy qonun chiqaruvchi organ vazifasini bajarmoqda.
Pergament (Kichik Osiyodagi Pergam shahri nomidan olingan) – Hayvonlarining qayta ishlangan, oshlangan terisi, charm. Qog’oz bo’lmagan davralarda pergamentdan yozuv materiali sifatida foydalanilgan.
Rektor (lat. “boshqaruvchi”) – Universitet yoki boshqa oliy o’quv yurti rahbari.
Roman uslubi (Rim shahri nomidan olingan) – X-XIII asrlar G’arbiy Yevropa me’morchiligida mavjud bo’lgan uslub. Me’morchiklda roman uslubidagi inshoatlar o’zining oddiyligi va ayni paytda muhtashamligi bilan, gumbazlarining yarim qubba hamda peshtoq, eshik va derazalar tepa qismining kamalak (arka) shaklida qurilganligi bilan ajralib turadi.
Universitet (lot. “majmua”, “birlik”) – O’rta asrda G’arbiy Yevropada vujudga kelgan oliy o’quv yurtlari.
Xartiya (yun. “qog’oz”, “yorliq”) – Ijtimoiy tabaqa yoki guruhning siyosiy talablari o’z aksini topgan hujjat. Masalan, 1215-yilda Angliya qiroli Ioann Yersiz tomonidan imzolangan Buyuk ozodlik xartiyasi qirol hokimyatini cheklash va baronlar huquqini kengaytirishga qaratilgan edi.
Yepiskop (lot.) – xristian cherkovida yuqori diniy unvon bo’lib, biron-bir hudud (okrug)ning diniy boshlig’iga berilgan.
Sherif (ing.) – O’rta asrlarda Angliyada grafliklarni boshqargan shaxs, hokim.