Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

ATAMALAR LUG’ATI
Allod (nem. “al” – to’liq, “lod” – egalik) – Ilk o’rta asrlarda german qabilalarida shaxsiy-oilaviy yer-mulk; dehqonlarning jamoa yerlaridan olgan xususiy chek yerlari
Akademiya (yun. Afsonaviy Qahramon Akadem sharafiga shunday deb atalgan) – Platon tomonidan miloddan avvalgi IV asrda tashkil etilgan falsafa maktabi; ko’chma ma’noda – ilmiy muassasa
Benefitsiy (lot. “benefisium” – xayirli ish) – ilk o’rta asrlarda G’arbiy Yevropada qirol yoki yirik feodal tomonidan o’z vassaliga in’om etilgan yer-mulk. Dastlab benefitsiy harbiy hizmat evaziga berilib, me’rosiy mulk bo’lmagan. Feodal munosabatlar rivojlanib borgan sari benefitsiy me’rosiy yer-mulk – feodga aylanib bordi.
Dialektika (yun.) – Qadimgi zamon va o’rta asrlarda bahs yuritish san’ati.
Drujina (rus. “друг”-do’st) – feodal xizmatidagi qurollangan harbiy otryad.
Ekzarx (yun.) – Vizantiya imperatorining viloyatlardagi noibi.
Ekzarxat (yun.) – Vizantiya imperiyasida viloyat noibligi.
Feod (nem. “qo’rg’on, mulk”) – harbiy xizmat evaziga senyor tomonidan o’z vassaliga in’om etilgan me’rosiy yer-mulk.
Feodal (lot.) – feod egasi, senyor, yuqori mulkdor tabaqa vakili
Gertsog (nem.) – qadimgi germanlarda saylangan harbiy yo’lboshchi, qabila boshlig’i, qiroldan keyingi o’rinda turadigan yirik feodal
Graf (nem.) – ilk o’rta asrda G’ariby Yevropada sud, ma’muriy va harbiy hokimyatni amalgan oshirgan mansabdor shaxs; viloyat hokimi.
Grammatika (yun.) – tilshunoslik ilmi; bolalarni o’qish va yozishga o’rgatish.
Ikona (yun. “tasvir”) – Xristianlar sajda qiladigan Iso, Bibi Maiyam va avliyolarning rangtasvir yoki bo’rtma rasmlari.
Kvadrium (lot. “to’rtlik”) – o’rta asr maktablarida o’tiladigan “yetti erkin san’at”ning to’rttasi: arifmetika, geometriya, musiqa va astronomiya”.