Мавзу:ЎҚитувчининг инновацион фаолияти

Tadqiqotning o‘rganilganlik darajasi: O‘rganilgan adabiyotlar tahlili, shuningdek, ta’lim amaliyoti shuni ko‘rsatadiki, pedagogik zukkolik, yangilikka intiluvchanlikning paydo bo‘lishi, shakllanishi, rivojlanishiga qiziqish tobora oshib bormoqda.

Pedagogik texnologiyani o‘quv jarayoniga joriy etishga ham turlicha yondashuvlar sodir bo‘lmoqda. O‘tgan asrning 60-yillarida AQSH (B. Blum, D. Kratvol, N. Gronland, J. Kerrol) da yaratilgan va jahondagi 30 ga yaqin mamlakatlar ta’lim tizimida pedagogik texnologiya muvaffaqiyatli qo‘llanib kelinmoqda, shuningdek uning mohiyati, uning nazariy asoslari, o‘ziga xos xususiyatlari haqida fikr yuritiladi.

Pedagogik texnologiya bo‘yicha xorijiy mutaxassis olimlar bilan bir qatorda respublikamizning pedagog olimlari S.Ashirbayev., N.S.Sayidaxmedov, R.H.Jo‘rayev, B.L. Farberman, M.Ochilov va boshqalar tomonidan ham samarali ilmiy-tadqiqot ishlari olib borilmoqda.

Mamlakatimiz o‘quv yurtlarida ham pedagogik texnologiyaga qiziqish ortib unga turlicha qarashlar va bu tushunchani o‘ziga xos talqin qilishlar, shuningdek, pedagogik texnologiyani o‘quv jarayoniga joriy etishga ham turlicha yondashuvlar sodir bo‘lmoqda

Kasbiy mahoratning shakllanishi va pedagogik faoliyatga kasbiy tayyorlikni D.I.Arziqulov, R.SH.Axlidinov, R.Z.Asamova, T.S.Derkach, S.F.SHerbak, M.Y.Ismoilova, B.X.Rahimov, B.R.Jo‘rayeva, K.M.Yuldashevlar o‘rganganlar.

Bo‘lajak o‘qituvchilar shaxsini professional-pedagogik va axloqiy shakllantirish muammosiga qiziqish kuchaydi. Bu yo‘nalishlarda J.G‘.Yo‘ldoshev, M.Ochilov, T. G‘afforova, Xolboy Ibragimov, H.Abdukarimov J.S.Toshmatova, K.M.Yo‘ldoshev D.X.Nasriddinova kabilar tadqiqot ishlarini olib borganlar.

Yuqorida keltirilgan ishlarda bo‘lajak o‘qituvchi shaxsining professional xususiyatlarini, pedagogik mahoratni shakllantirish va yoshlarni axloqiy tarbiyalash muammosi yo‘nalishida birmuncha ilmiy-pedagogik tadqiqotlar bajarilgan. Lekin interfaol usullar va ularning o‘quvchilarda erkin fikrlashni shakllantirishdagi o‘rni tadqiq etilmagan.

Shularni hisobga olib biz bitiruv malakaviy ishimizning mavzusini “O‘quvchilarda erkin fikrlashni shakllantirishda interfaol usullarning ahamiyati” deb tanladik.