Мавзу: Зиналар. Режа: зиналарнинг турлари. Зинахоналарнинг турлари. Зиналарнинг конструктив ечимлари

Зина майдончалари жойлашган ўрнига қараб қават майдончалари ва қаватлар орасидаги майдончаларга бўлинади. Зина пиллапояларидаги барча поғоналар бир хил шаклда бўлиши керак. Акс ҳолда харакатланиш вақтида ноқулайлик сезилиши мумкин. Лекин пиллапоядаги пастки ва устки поғоналарнинг шакли бошқаларидан фарқ қилади.

Уларни ҳошия поғона (фриз) деб аталади. Ҳошия поғоналар зина пиллапояси конструкциясидан зина майдончасига ўтиш учун хизмат қилади. Бир қават орасидаги пилапоялар сонига қараб зиналар бир пиллалояли, икки пиллалояли ва уч пиллапояли (маршли) бўлиши мумкин. (3-расм): Битта пиллапоядаги поғоналар сони 18 тадан кўп бўлмаслиги керак.

(3-расм): Зиналарнинг турлари.
а - бир маршли зина;
б - икки пиллапояли зина;
в - уч пиллапояли зина.

Турар-жой биноларида зина пиллапояларининг кенглиги 900 мм дан 1400 мм гача бўлиши мумкин. Энг кам ўлчам икки қаватли биноларда, катталари эса қаватлар сони кўп бўлганда қўлланилади. Зина майдончаларининг кенглиги зина пиллапоясининг кенглигидан 1200 мм дан кам бўлмаслиги керак. Зина жойлашган хонанинг кенглиги В шу хонадаги пиллапоялар кенгликлари А нинг йиғиндисига уларнинг ораси камида 100 мм бўлиши керак бўлган оралиқ – бўш масофани қўшилганига тенг, яъни В = 2 х А + 100 мм.

Бу қийматга зина майдончалариникг кенглиги (C1 ва С2) хам қўшилади ва зинахонанинг зарур узунлиги L келиб чиқади, яъни L - d + С1 + С2 мм. Худди шунга ўхшаш мулоҳазалар асосида бино қирқимида зина профилини келтириб чиқарилади. Замонавий кўп қаватли биноларда асосан темирбетондан катта ўлчамли қилиб тайёрланган пиллапоялар ва майдончалардан иборат зиналар қўлланилади. Унификациялаш мақсадида пиллапояларнинг узунлигини бир хил қилинади.

(4-расм): Зиналарнинг конструктив ечимлари:
a - П-симон кессон типидаги пиллапоя;
б - П-симон букма пиллапоя;