Мавзу. Ўзбек мусиқа маданияти намояндалари комил хоразмий (1825-1897)

ДОМЛА ХАЛИМ ИБОДОВ (1878-1940)
Анъанавий қўшиқчилик санъатимизнинг ёрқин намоёндаларидан бири Домла Халим Ибодов Бухоро шаҳрида тўкувчи оиласида дунёга келди. Ўн ёшидан таниқли хонанда ва созанда Уста Шароф рахбарлигида доира чертиб, халққўшиқларини ижро эта бошлади.
Устоз унга секин-аста “Шашмақом” намуналаридан таништира бошлади ва машхур санъаткорлар Ота Жалол ва Ота Ғиёслар билан яқиндан танишишига ёрдам берди. Ўн саккиз ёшидаёқ Бухорода етук хонанда бўлиб элга танилди. У мақом намуналарини жозибали овози билан ижро этар, шинавандалар қалбида завқ-шавқ уйғотарди. Ўзи устоз бўлиб ёшларга ашула, доира усулларидан дарс берарди. 1923 йилда Москвада биринчи қишлоқ хўжалик кўргазмасида Юсуфжон кизик Шакаржонов, Мулла тўйчи Тошмухаммедов, Ахмаджон Умрзоков, Шорахим Шоумаров, Ғулом Зафарий, Абдуқодир Исмоилов, Тўхтасин Жалиловлар билан биргаликда қатнашиб зўр муваффақиятларга эришди. Сафардан қайтгач, машхур хонанда хақида мана шундай мисралар хам битилди:
Москвага ДомлаҲалим қилди сафар.
Кўшиқ билан унда топти кўш зафар.
Домла Халим Ибодов санъатимиз олдидаги бебахо хизматлари учун «Ўзбекистон халқҳофизи» фахрий унвонига сазовор бўлган. Эндиликда унинг номи билан аталиб келинаётган Бухородаги санъат билим юрти устоз орзу килган хайрли ишларни адо этиб келмоқда.
Устоз санъаткор, мусиқий маданиятимизнинг атоқли намоёндаси Домла Халим Ибодов 1940 йилда вафот этди. Устознинг мухтабар номи, мазмундор ҳаётининг саҳифалари мусиқий санъатимиз тарихи зарварақларида жилоланиб, мангулик касб этиб турибди.