Mavzu: yosh fiziologiyasi va gigienasi fanining maqsadi, vazifasi, ahamiyati va rivojlanish tarixi

Bolalar anatomiyasi va fiziologiyasi faning rivojlanish tarixi
Odam va hayvonlar tanasining tuzilishi haqidagi ba'zi oddiy tasavvurlar qadimdan ma'lum bo`lib kelgan. Anatomiya fan sifatida eramizdan ilgari V asrdan ma'lum. Odam anatomiyasi va fiziologiyasi fanlarining rivojlanishi natijasida bolalar anatomiyasi va fiziologiyasi mustaqil fan sifatida ajralib chiqdi. Odam tanasining tuzilishiga oid ko`p ma'lumotlar qadimgi Gretsiyada eramizdan avvalgi IV-V asrlarda tabiblar, faylasuflar tomonidan to`plangan. Qadimgi Gretsiyada yashagan mashhur olimlar Gippokrat. Aristotel, Gerofil, Erazistrat va boshqalar odam tanasini har tomonlama o`rganib ko`p ma'lumotlar to`plaganlar.
O`rta asr boshlarida yashagan atoqli olim Abu Ali ibn Sino anatomiya fanini rivojlanishiga katta hissa qo`shgan. Rus olimlaridan A.P.Protasov, S.G. Zibelin, A.M.Shumlyanskiy, P.A. Zagorskiy, N.I. Pirogov, P.F. Lesgaft, V.P. va boshqalar. anatomiya fanini rivojlanishiga katta hissa qo`shganlar.
Yuqorida qayd etilgan olimlar qatorida O`zbekiston olimlari ham anatomiya fanini o`rgnishga munosib hissallarini qo`shdilar.
O`zbekiston olimlaridan A.Zufarov, S.N.Kasatkin hazm tizimini, P.O.Isaev qon tomirlarni, E.N.Melman, R.E.Xudoyberdiev, S.A. Dolimovlar limfa tizimini, M.R. Salin, Yu.M. Borodin nerv tizimini, N.Q. Axmedov, X.Z.Zoxidovlar nerv tizimining embriologik taraqqiyotini o`rgandilar. O`zbek olimlari tomonidan o`zbek tilida darsliklar, anatomik atlas yaratildi.


Fiziologiyaning rivojlanish tarixi
Odamning hayot faoliyatini o`rganish eramizdan avval yashab, ijod etgan olimlar tomonidan o`rganilgan. Juda qadim zamondan boshlab Yunon, Xitoy, Hindiston, Misrda tibbiyot fanlariga qiziqish katta bo`lgan, ular funktsiyalar to`g`risidagi ilk tushunchalarga asos solganlar. Bunday olimlardan Buqrot (Gippokrat), Arastu (Aristotel), Jolinus (Gagen), Erazistrast va boshqalarni eslatish mumkin.
Buqrot (460-377 y. Eramizdan avval) ko`xna Yunonistonda yashagan buyuk shifokor, tibbiyot, falsafa, etika va boshqa fanlarga katta hissa qo`shgan. U inson sog`lig`iga tashqi muhit (havo, tuproq, suv, quyosh)ni kuchli ta'sir etishi to`g`risida fikr yuritib, kitob yozgan.
U odamlarning xulq-atvori, his-tuyg`usi, hatti-harakatlari turlicha bo`lishini o`rganib insonlar temperamenti (mijozi) haqida asar yozgan. U odamlarni to`rtta mijozga bo`ladi.
Buqrotni meditsinaning asoschisi deyish mumkin.
Jolinus (Gagen, 134-211 yillar) cho`chka va maymunlarda tajribalar o`tkazib, anatomiya, fiziologiyaga katta hissa qo`shadi. U birinchi bo`lib odamning ruhiy xususiyatlari bosh miya faoliyatiga bog`liq bo`lishini aytgan. Quldorlik va feodalizm davrida yashab ijod etgan haqiqatni yoqlagan ko`pgina olimlar quvg`in qilindi, bularning ba'zilari o`ldirildi. O`rta asrlar davomida sharq mamlakatlarida ilm va fan juda rivojlandi. Shu davrda hozirgi Markaziy Osiyo davlatlari hududida jahonga tanilgan ko`pgina olimlar yashab va ijod etadi. Abu Nosir Muhammad Al-Farobiy 873 yilda Sirdaryo bo`yida joylashgan Farob qishlog`ida tug`ildi. Al-Farobiy o`zining 160 dan ortiq asarlari bilan falsafa, tibbiyot, musiqa nazariyasi, tibbiyotga ko`p yangiliklar kiritdi. Al-Farobiy tibbiyotga juda qiziqqan anatomiya va fiziologiyadan chuqur bilimga ega bo`lgan. U nervlarni sezuvchi va harakatlantiruvchi nervlarga bo`lgan, yurak faoliyatini nervlar boshqaradi deb taxmin qilgan.
Ismoil Djurjoniy (1080-1141) moxir vrach, yirik olim sifatida taniladi.
U shox saroyida vrach bo`lib xizmat qiladi. Uning «Xorazmshox mo`jizalari», «Kasallikni aniqlash usullari», «Tibbiyot asoslari» kabi. kitoblari ma'lum va mashxur bo`lgan. Ismoil Djurjoniy «Horazmshox mo`jizalari» nomli asarida tibbiyotning nazariy va amaliy masalalarini yoritadi. Kitobda anatomiya va fiziologiyaga oid ma'lumotlar ham keltirilgan. U odam sog`ligini saqlashi uchun zararli ta'sir etuvchi barcha narsalarni yo`qotish lozim deb yozadi. U shuningdek mijozlar haqida bayon etib, mijoz nasldan-naslga o`tadi deydi. Bu kitobda olim gigiyena masalalariga ham to`xtab, suv, havo, kiyim, uy-joy, xotirjamlik holati, uyg`oqlik, tush ko`rish; masalalarni tibbiyot nuqtai nazaridan bayon etadi.
Abu Bakr ar-Razoiy (865-925) yashagan yirik olimlardan hisoblanadi. Ar-Roziy dastlab zargarlik ishlari bilan shug`ullanadi, so`ng kimiyo, tibbiyoti o`rganadi. U «Organlar funktsiyalari» nomli kitobida odam tanasidagi barcha organlarni funktsiyalarini bayon etadi. Uning fikricha odamning kasallanishiga asosiy sabab havo, muhit, turmush sharoit, yil fasllarini o`zgarishi sabab bo`ladi. U «Nima uchun kuzda kasalliklar ko`payadi» nomlab kitob yozadi. Ar-Roziy birinchi bo`lib bemorga diagnoz (tashxis) qo`yishni taklif etadi. Uning ko`rish haqida «nurlarni ko`zdan o`tishi haqida» nomli asari muhim ahamiyatga ega. Ar-roziy «Odam organizmini tuzilishi» nomli kitob yozadi. Uning shuningdek, «Yurak haqida», «Jigar haqida», «Organlar funktsiyalari haqida», «Yurakning ichki a'zolar bilan bog`lanishi» kabi asarlari ma'lum.
Abu Ali Ibn Sino taxminan 980 yili Buxoro yaqinidagi Afshona qishlogida tug`ildi. U 17-18 yoshidayoq taniqli shifokor bo`lib etishib, Xorazmshox saroyida 10 yilcha xizmat qiladi. Ibn Sino umrining ikkinchi yarmini Eronda Hamadon hokimining hokimi va vaziri sifatida o`tkazdi. Hamadonda 1037 yilda vafot etdi.
Ibn sino tibbiyot fanining buyuk namoyondasi sifatida butun jahonga taniladi. Uning besh jildlik «Tib qonunlari» asari XII asrda arab tilidan lotinchaga ag`darilib, qo`lyozma shaklida Yevropa mamlakatlariga tarqaladi. Bu asarda odam organizmning faoliyati, fiziologiyasiga, yosh fiziologiyasiga, jismoniy tarbiya, gigiyenaga oid ma'lumotlar bor. U tashqi muhit odam organizmiga kuchli ta'sir ko`rsatishini bayon etadi. Ibn Sino bolani tarbiyalash va o`stirish to`g`risidagi fikrlari diqqatga sazovor. Ibn Sino bosh miya va ichki a'zolar faoliyati haqida to`g`ri tasavvurga ega bo`lgan. Abu Ali Ibn Sino odamlarni issiq, sovuq va issiq sovuq mijozlarga bo`ladi. Issiq mijoz odamlar bir xil kasalliklar bilan, sovuq mijoz odamlar boshka kasalliklar bilan og`riydi deb fikrlagan. Issiq mijoz odamlar issiq narsalar ta'sir etib uni kasallantiradi. Sovuq mijoz odamlar sovutuvchi moddalar sovuq mijoz odamlarni kasallantiradi. Ikki holatda ham mutanosiblik buziladi. Shunga asoslanib qadimda odamlarni mijozga qarab davolaganlar. Fiziologiya fani eksperimental tadqiqot usulini tatbiq etadigan ingliz vrachi, anatomi va fiziologi Vilyam Garvey ishlaridan boshlanadi. Vilyam Garvey «Hayvonlarda yurak va qon harakatini anatomik tekshirish» nomi bilan 1628 yili nashr qilingan mashhur kuzatishlar va tajribalarga asoslanib, qon aylanishning katta va kichik doiralari haqida, yurakning organizmda qonni harakatga keltiruvchi organ ekanligi haqida to`gri tasavvur berdi. Bu kashfiyot fiziologiyaning kuchli rivojlanishiga turtki bo`ldi. XVII asrning birinchi yarmida frantsuz filosofi R.Dekart refleksni kashf etdi. Lekin «refleks» iborasini o`ziga kelsak uni XVIII asr oxirida chex olimi GLroxaski joriy qilgan. XVII-XVIII asrlarda S.Gels qon bosimini o`lchadi. X.R.Sheyner ko`zga optika nuqtai nazardan qaradi, ko`zdagi muhitlarning nur singdirish qobiliyatini o`rgandi va ko`z sezgilarini hosil bo`lishida ko`z qavati rolini . aniqladi. A.Galler qo`zg`aluvchanlik va sezuvchanlik hodisalarini birinchi bo`lib o`rgandi. XIX asrda fiziologiya mustaqil fan sifatida tez rivojlana boshladi. Fiziologlar organizm tinch turganda yoki biror ish bajarayotganda bo`shab chiqadigan energiya miqdorini hisobga olish usullarini yaratadilar.
Elektr bilan ta'sirlash hamda organlar funktsiyasini kimograf, miograf, sfigmomanometr asboblari yordamida yozib olish metodikasi yaratildi. Buning natijasida anchagina yutuqlarga erishildi.
XIX asrda asosan I.M.Sechenov, I.P.Pavlov, S.P.Botkin, A.A.Ostroumov,
V.M.Bexterevlar kabi rus olimlari, fiziologlari va klinitsistlari ishlab
chiqqan progressiv, materialistik ta'limot yaratildi. Aka-uka E.Veberlar
sayyor (adashgan) nervning yurakka tormozlovchi ta'sir etishini I.F.Sion
simpatik nervning yurak qisqarishlarini tezlashtiruvchi ta'sirini kashf etdi.
I.M.Sechenov 1862 yili “Markaziy nerv sistemasidagi tormozlanish protsessini” ochgan. 1863 yili «bosh miya reflekslari» asarini nashr qilgan.
I.P.Pavlov dastlab yurak va qon aylanish fiziologiyasi bilan shug`ullandi. Bundan tashqari hazm tizimi a'zolari faoliyatini o`rganishga bag`ishlandi.
I.P.Pavlo reflekslar nazariyani rivojlanirdi. U va uning hamkorlari bosh miya katta yarim sharlari po`stlog`ida sodir bo`ladigan asosiy jarayonlarni o`rgandi.
1904 yilda I.P.Pavlov hazm tizimi fiziologiyasiga oid ishlari uchun Nobel Mukofotiga sazovor bo`ldi. I.P. Pavlov shartli reflekslarni kashf etdi, oliy nerv faoliyati tiplarini yaratdi, ikkinchi signallar tizimini o`rgandi.
I.P.Pavlov hayoti mobaynida 200 ortiq shogirdlar etkazdi. Bular jumlasidan V.P.Babkin, L.A.Orbeli, K.M.Bikov, I.P.Razenkov, P.K.Anoxin kabi jahonga tanilgan fiziologik olimlarni eslatish mumkin.
Hozirgi kunda fanga hissa qo`shgan juda ko`p o`zbek olimlari etishib chiqdi.
Adxam Yunusov fiziologiya fanining rivojlanishiga hissa qo`shgan.
Yolqin Xolmatovich Turaqulov - qalqonsimon bez kasalligini o`rganish va davolashga doir ilmiy ishlarni amalga oshirdi.
I.K.Musaboev yuqumli kasalliklarni tarqalish sabablarini urgangan.