O'zbekiston Respublikasi hukumatining yosh avlodni tarbiyalash va sog'lomlashtirish xususidagi qarorlari va chora-tadbirlari Mamlakatimiz mustaqillikka erishgan davrdan boshlaboq yosh avlodni tarbiyalashga qaratilgan qarorlarini qabul qildi, bir qator ishlar amalga oshirildi va oshirilmoqda.
Bolaning o'sishi va rivojlanishida tashqi muhit sharoiti va turmush tarzi katta o'rin egallaydi. Ammo qulay sharoitning yaratilmasligi va gigiyena talablariga amal qilinmasligi bolaning o'sishi va rivojlanishiga salbiy ta'sir ko'rsatadi, bolalarning talay qismida o'sish va rivojlanishning buzilishi, turli kasalliklarga chalinish kabi salbiy holatlar ortib bormoqda. Bu kabi salbiy holatlarning oldini olish va bartaraf etish uchun O'zbekiston Respublikasi Vazirlar Mahkamasi 1993 yil 3 dekabrda 589 qarori bilan «Yosh avlodni sog'lomlashtirish muammolarini majmuali hal etishning kengaytirilgan dasturi»ni tasdiqladi. Mazkur dasturda odam sog'ligini mustahkamlash va umrini uzaytirishda jamiyatimizning har bir a'zosi sog'lom turmush tarziga amal qilishi muhim ahamiyatga ega ekanligi qayd qilingan.
O`zbekiston Respublikasi Vazirlar Mahkamasining 2000 yil 15 fevraldagi 46-sonli qarori bilan «Sog`lom avlod» Davlat dasturi tasdiqlandi. Mazkur dastur O`zbekiston Respublikasi Xalq ta'limi va Sog`liqni saqlash vazirliklarining «Sog`lom avlod» majmuali tadbirlari ishlab chiqilgan. 2000-yildan boshlab ko`p yillar davom etadigan tadbirlarni o`z ichiga oladi. Ushbu Davlat dasturi asosida Mustaqil O`zbekiston oldida turgan asosiy masalalardan biri bu talim-tarbiya tizimini tubdan o`zgartirib, uni hozirgi zamon talabi darajasiga ko`tarishdir. Mamlakatimizning birinchi ordeni "sog`lom-avlod uchun" ordeni bo`lib, u 4 mart 1999 yilda qabul qilingan. Sog'lom turmush tarzi tushunchasi kishi hulq-atvorining hamma tomonlarini qamrab oladi. Har kimning ma'suliyatli vazifasi hisoblangan o'z-o'zini bilish tushunchasi buning bir qismi hisoblanadi. Bu har bir odam o'z organizmining tuzilishi va funksional xususiyatlarini yaxshi biladi degani. Shu xususiyatlarni asrash va rivojlantirish chora-tadbirlarini ko'radi, amal qiladi, kun tartibiga, sanitariya gigiyena talablariga rioya qiladi, o'z his-hayajonini boshqara biladi, qattiq hayajon va ruhiy zarbalarga bardosh beradi, ovqatlanishni nazorat qiladi, harakatchanlikni odat qiladi. Spirtli ichimliklar, kashandalik, giyohvandlikdan voz kechadi va h.k.
Bolalar muassasalarida ishlaydiganlar bolalar organizmidagi organlarda bo`ladigan morfologik va funktsional o`zgarishlarni bilishlari kerak. Sog`lom farzand Sog`lom oilada dunyoga keladi.
Chunki bola hayotning noto`g`ri tashqil etilishi bola organizmidagi organlarda patologik o`zgarishlarni keltirib chiqarishi mumkin. Nerv sistemasida, tayanch-harakat sistemasida, yurak-qon tomir sistemalari va boshqalarida.
Bolaning Sog`ligi uning o`zi, oila a'zolari va jamiyat boyligi hisoblanadi. Tibbiyot fanidagi tadqiqotlardan ma'lum bo`lishicha agar odamning Sog`ligi 100 % deb qabul qilinsa, uning 50 % har bir kishining turmush tarziga, 20 % tashqi muhit sharoitiga, 20 % nasl xususiyatlariga va nixoyat 10 % tibbiy yordamga bog`liq.
1. Anatomiyani tekshirish usullari.
Anatomiyani o`rganishda asosiy va eng qadimgi usul - murdani kesib tekshirish usuli hisoblanadi. Bu usul hozirgi vaqtda ham o`z ahamiyatini yo`qotmagan. Ayrim organlarni yoki butun murdani fiksatsiya qilish, ya'ni . qonservlash usuli ham anatomik preparatlarni buzmasdan uzoq muddat saqlashga imqon beradi.
Mikroskop ixtiro qilinishi bilan anatomiyada mikroskopik tekshirishning xilma-xil usullari yaratildi. Ayniqsa, kimiyo, fizika fanlarining rivojlanishi bilan to`qimalarni turli kimiyoviy moddalarda bo`yab, mikroskopda o`rganish keng rivojlandi.
Quyida odamlarda mavjud bo`lgan texnika vositalardan foydalangan holda tekshirish usullari keltiriladi:
-Antropometrik usul bunda gavdaning uzunligi, kengligi va
og`irligi o`lchanadi, olingan ma'lumotlar organizmning ayrim
bo`laklariga taqqoslanib, o`sishi yoki o`zgarishini kuzatib boriladi.
-In'ektsiya usuli - ichi kovak a'zolarga, qon tomirlarga turli xil
kimyoviy bo`yoqlar yuborib o`rganiladi.
-Korroziya yoki emirish usuli - ichi bo`sh a'zolar tez qotadigan modda
bilan to`ldirilib, so`ngra turli kislota yoki ishqorlar suyuqligiga
solinsa, a'zo to`qimalari emiriladi va bo`shligiga yuborilgan modda
a'zolar shaklini saqlab qoladi.
-Rentgen nuri yordamida o`rganish usuli - bu usulda tirik odam
tuzilishini o`rganishga imqon beradi.
-Perikussiya - barmoq yoki bolg`acha bilan urib aniqlash usuli.
-Auskultatsiya usuli - maxsus eshituv asboblari yordamida a'zolar
(yurak va o`pka) uni ishlab turgan paytidagi eshitiladi.
2. Fiziologiyani tekshirish usullari.
Odamni tugilishidan boshlab to voyaga etguniga qadar organlarni funktsiyalarini organizmni xulqini turli fiziologik asosida o`rganib, muhim funktsiyalarni yozib olib ma'lumotlar to`planadi va ular analiz qilinadi.
