Mavzu: Yo’l belgilarining o’rnatilishi Reja: Yo’l belgilarining guruhlari

"Avtopoezd" – yuk avtomobillari va vazni 1,4 tonna va undan yuqori g’ildirakli traktorlarda tirkama bo’lganda, shuningdek, tutashtirilgan avtobus va trolleybus kabinalari tomining old qismi o’rtasiga bir qator qilib, 150 dan 300 millimetrgacha oraliqda ko’ndalang joylashgan uchta zarg’aldoq rangli chiroq yoki ichidan yoritiladigan, tomonlarining har biri 250 mm. bo’lgan sariq rangli uchburchak shaklidagi belgi o’rnatiladi.
"Turumlangan" ya’ni turmaklangan, tishli, shipli – turumlangan shinali mexanik transport vositasining orqasiga teng tomonli, ichiga qora rangda "T" harfi tushirilgan, qizil hoshiyali, oq rangli uchburchak shaklidagi belgi o’rnatiladi. Uchburchakning tomonlari transport vositasining turiga qarab 200 – 300 mm., hoshiyaning kengligi uchburchak tomonining 1/10 qismiga teng bo’lishi kerak.
Transport vositasining turiga qarab, 200 – 300 mm., hoshiyaning kengligi uchburchak tomonining 1/10 qismiga teng bo’lishi kerak.
"Bolalar guruhini tashish" – avtobus yoki maxsus jihozlangan yuk avtomobillarida bolalar tashilganda, transport vositasining old va orqa tomonlariga qizil hoshiyali, ichiga 1.21." Bolalar" yo’l belgisidagi bolalar timsolining tasviri tushirilgan, sariq rangdagi to’rtburchak ko’rinishidagi belgi qo’yilishi shart. To’rtburchakning tomonlari 250 – 300
mm. gacha, hoshiyaning kengligi to’rtburchak tomonining 1/10 qismiga teng bo’lishi kerak.
"Kar haydovchi" – kar – soqov yoki kar haydovchi boshqarayotgan transport vositasining old va orqa tomonlariga, ichiga diametri 40 mm. bo’lgan uchta qora doira tushirilgan, diametri 160 mm.ni tashkil etgan sariq rangli doira shaklidagi belgi o’rnatiladi.
"Boshqarishni o’rgatishda transport vositasi" – boshqarishni o’rgatishda foydalaniladigan transport vositalarining old va orqa tomoniga ichiga qora rangda "O’" harfi tushirilgan, transport vositasining turiga qarab tomonlari 200 mm. - 300 mm.gacha bo’lgan, teng tomonli, qizil hoshiyali, oq rangli uchburchak shaklidagi belgi o’rnatiladi.
"Tezlik cheklangan" – juda og’ir, xavfli va katta o’lchamli yuklarni tashiyotgan, shuningdek, transport vositasining texnik tavsifnomasida ko’rsatilgan eng yuqori tezligi yo’l harakati qoidalarida belgilangan tezlikdan past bo’lgan hollarda, transport vositasi kuzovi orqa devorining chap tomoniga 3.24. "Yuqori tezlik cheklangan" yo’l belgisining kichraytirilgan rangli tasviri tushiriladi. Belgining diametri 160 mm.dan kam bo’lmasligi, hoshiyasining kengligi belgi diametrining 10 dan 1 qismiga teng bo’lishi kerak.
"Xavfli yuk" – xavfli yukni tashiyotgan transport vositasining old va orqa tomoniga o’lchami 690x300 mm., zarg’aldoq rangli, o’ng qismi 400x300 mm. bo’lgan, chap qismi esa yukning xavfli xususiyatini bildirib turgan belgilar tushirilgan qora hoshiyali, kengligi 15 mm.oq rangli to’rtburchak shaklidagi belgi o’rnatiladi.
"Katta o’lchamli yuk" – ichiga kengligi 50 mm.li, diagonalь bo’yicha galma – gal joylashgan qizil va oq rangli chiziqlar tushirilgan, nur qaytaradigan yuzali, o’lchami 400x400 mm.li to’rtburchak shaklidagi belgi o’rnatiladi.
"Uzun o’lchamli transport vositasi" – yukli yoki yuksiz uzunligi 20 metrdan oshadigan transport vositasining, ikki yoki undan ko’proq tirkamali avtopoezdlarning orqasiga kengligi 40mm. bo’lgan qizil hoshiyali, o’lchami 1200x200 mm.li bo’lgan tarkibning tasviri tushirilgan, sariq rangli to’rtburchak shaklidagi belgi o’rnatiladi.
Ko’rsatilgan o’lchamli belgini joylashtirishning imkoniyati bo’lmasa, bir xil ikkita 600x200 mm. o’lchamdagi belgini transport vositasining o’qiga simmetrik ravishda o’rnatishga yo’l qo’yiladi.