Mavzu: Yo’l belgilarining o’rnatilishi Reja: Yo’l belgilarining guruhlari

Mavzu: Odamlarni tashish ta’qiqlangan holatlar.
Мashg’ulot rejasi:
1.Yuk avtomobillarida odam tashishga qo’yiladigan talablar.
2.Harakatni boshlashdan oldin haydovchining vazifalari.
3.Bolalarni tashishda qo’yiladigan qo’shimcha talablar.
4.Odamlarni tashish ta’qiqlangan holatlar.
Vizual materiallar
Yuk avtomobilida odam tashishga qo’yiladigan talablar
Yo’lovchilarni tashish belgilangan yo’nalishdagi transport vositalari, ya’ni avtobus, mikroavtobus, tramvay, trolleybus, yo’nalishli taksi va yengil avtomobillar orqali amalga oshiriladi. Lekin ba’zi hollarda, yuk tashish uchun moslashtirilgan avtomobillarda, vaziyat taqozosi bilan odam tashishga ham to’g’ri keladi. Bunday vaziyatlarda transport vositalari xavfsizlik talablariga javob berishi shart. SHu nuqtai nazardan, "Odam tashish" to’g’risida to’xtalganda, asosan, yuk avtomobillarida odam tashishga e’tibor qaratiladi.
Yuk avtomobilining yukxonasida odam tashish "S" toifasidagi transport vositalarini boshqarish huquqiga ega bo’lgan, odamlar soni kabinadagilarni ham qo’shib hisoblaganda 8 nafardan ortiq bo’lganda esa "S" va "D" toifasidagi transport vositalarini boshqarish huquqiga ega bo’lgan va shu toifadagi transport vositalaridan birini 3 yildan ortiq boshqargan haydovchilar tomonidan amalga oshirilishi kerak.
Eslatib o’tamiz, harbiy haydovchilarning yuk avtomobillarda odam tashishiga yo’l qo’yish Mudofaa vazirligi tomonidan belgilangan tartibda amalga oshiriladi.
Odam tashish uchun mo’ljallangan yuk avtomobili yukxonasi bortining balandligidan 30 santimetr pastda joylashgan o’rindiqlar bilan jihozlanishi, ikki yon va orqa bortdagi o’rindiqlar mus tahkam suyanchiqqa ega bo’lishi kerak. Tashiladigan odamlar soni jihozlangan o’rindiqlar sonidan oshmasligi kerak. Odam tashishga moslashtirilmagan yuk avtomobillarining yukxonasida faqat yukni olish uchun borayotgan yoki uni kuzatib borayotgan shaxslarning bo’lishiga yo’l qo’yiladi, bunda ular bortlardan pastda joylashgan o’rindiqlar bilan ta’minlanishlari kerak.