Mavzu: Yo’l belgilarining o’rnatilishi Reja: Yo’l belgilarining guruhlari

Mavzu: Bolalar guruhi tashish taniqlik belgilari.
Tartibga solinmagan piyodalar o’tish joyiga, belgilangan yo’nalishli transport vositalarining bekatiga yoki "Bolalar guruhini tashish" taniqlik belgilari o’rnatilgan transport vositasiga yaqinlashib kelayotgan haydovchining vazifalari
Transport vositasining haydovchisi tartibga solinmagan piyodalar o’tish joyida qatnov qismidan o’tayotgan piyodalarga yo’l berishi shart. Agar tartibga solinmagan piyodalar o’tish joyi oldida transport vositasi harakatni sekinlashtirsa yoki to’xtasa, qo’shni bo’laklarda harakatlanayotgan boshqa haydovchilar bu transport vositasi oldida piyodalar yo’qligiga ishonch hosil qilganlaridan so’nggina harakatlanishni davom ettirishlari mumkin. Hozirda yo’llarda avtotransport oqimi ortib borayotgan sharoitda tartibga solinmagan piyodalar o’tish joylari haydovchilarga nisbatan xavfli kesishma hisoblanadi. CHunki bunday kesishmalarda to’satdan qatnov qismiga chiqqan piyodalar, ayniqsa, qariyalar, nogironlar va bolalar haydovchilarni qiyin ahvolga solib qo’yishi mumkin. Natijada, shoshilinch vaziyatda, tajribasiz haydovchilar bu holatni bartaraf etish yoki oldini olishda noto’g’ri qaror qabul qilib, xatoga yo’l qo’yish ehtimoli bor. "Bolalar guruhini tashish" taniqlik belgisi o’rnatilgan transport vositasi to’xtab turganda, unga yaqinlashayotgan haydovchi harakat tezligini kamaytirishi, zarur bo’lsa to’xtashi va bolalar guruhini o’tkazib yuborishi kerak. Haydovchilar, ayniqsa, "Bolalar guruhi tashilayotgan transport vositasi" taniqlik belgisi bilan belgilangan transport vositasiga yaqinlashayotganda, yanada hushyorroq bo’lib, harakat xavfsizligini ta’minlashga tayyor turishlari shart.
Piyodalar o’tish joylari, belgilangan yo’nalishli transport vositalarining bekatlari va temir yo’l kesishmalari orqali harakatlanish qoidalari buzilishining xavfli oqibatlari. Piyoda va yo’lovchilar jamoat transportlarini maxsus maydonchalarda yoki ular bo’lmaganda trotuarda, yoki yo’l yoqasida yo’lning qatnov qismiga chiqmasdan kutishlari kerak. Ularning bu qoidani buzishlari harakat xavfsizligiga tahdid solib, hayotlarini xavf ostida qoldirishi mumkin.
Bolalar guruhini tashiyotgan transport vositalari to’xtaganda, bolalar ushbu transport vositasidan betartib tushib – chiqishlari, yo’lning harakat qismini e’tiborsiz kesib o’tishlari oqibatida yo’l harakati qoidalari buzilishi va YTH sodir bo’lish ehtimoli vujudga kelishi mumkin.