Mavzu: Yo’l belgilarining o’rnatilishi Reja: Yo’l belgilarining guruhlari

1.17. – Sariq rangdagi siniq chiziq
Sariq rangli arrasimon siniq chiziq belgilangan yo’nalishli transport vositalari, ya’ni avtobus, trolleybus, tramvay va yo’nalishli taksilarnit to’xtash bekatlarini, shu bilan birga yengil avtomobilь taksilarining to’xtab turish joyini bildiradi. Ushbu chiziq chizilgan joyda boshqa transport vositalari haydovchilari jamoat transportlariga xalaqit bermagan holda, yo’lovchi olishi yoki tushirishi mumkin. To’xtash va to’xtab turish qoidalarini buzganlik uchun eng kam oylik ish haqining 3 baravari miqdorida jarima belgilanadi.
1.18. – Turli shakldagi yo’naltirgichlar
Turli shakldagi yo’naltirgichlar chorrahada transport vositalarining yo’l bo’laklari bo’yicha ruxsat etilgan harakatlanish yo’nalishini ko’rsatadi. Yo’lning qatnov qismi yuzasiga chizilgan yo’naltirgich chiziqlari alohida o’zi yoki 5.8.1. "Bo’laklar bo’yicha harakatlanish yo’nalishi" hamda 5.8.2. "Bo’lak bo’yicha harakatlanish yo’nalishi" axborot – ishora belgilari bilan birga qo’llanib, transport vositalariga yo’l bo’laklari bo’yicha ruxsat etilgan yo’nalishni ko’rsatadi. CHetki chap bo’lakdan chapga burilishga ruxsat beruvchi yo’naltirgich shu bo’lakdan orqaga qayrilishni ham taqiqlamaydi. Yo’l chiziqlari bilan belgilab qo’yilgan talablarga rioya qilmaganlik uchun eng kam oylik ish haqining 0,5 baravari miqdorida jarima belgilanadi.
1.19. – Egri yo’naltirgich
Egri yo’naltirgich alohida o’zi yoki 1.18.1, 1.18.2. va 1.18.3. "Yo’lning torayishi" va 5.8.5, 5.8.6. "Bo’lak oxiri" belgilari bilan birga qo’llaniladi. Bu yo’naltirgich haydovchini yo’lning harakatlanish toraygan qismiga, ya’ni shu yo’nalishdagi harakatlanish yo’l bo’laklarining soni kamaygan joyiga yoki qarama-qarshi yo’nalishdan kelayotgan transport vositalarining oqimini ajratuvchi 1.1. – Sidirg’a chiziq yoki 1.11. – Sidirg’a va shtrixli parallel chiziqlarga yaqinlashganlik to’g’risida ogohlantiradi.
1.20. – Katta uchburchakli chiziq
Ushbu katta uchburchakli chiziq transport vositasi haydovchilarini 1.13.
– Ko’ndalang bir qator bo’lib terilgan uchburchaklarga yaqinlashayotganligi haqida ogohlantiradi. Bunday chiziqlar bor joylarda haydovchi chorrahada imtiyoz belgilariga rioya qilib harakatlanishi kerak.