Mavzu: Xizmat xatlarining turlari va ularni rasmiylashtirish tartibi. Da’vo xati va da’vo arizasi. Kafolat xatlari Bajardi

2. Shaxsiy-ijtimoiy xatlar.
Bunday xatlar ham garchi bir kishiga qarab yozilgan boʻlsa-da, undagi 
mazmun barchaga tegishli, ya’ni ijtimoiylik kasb etadi. Shuning uchun ular 
ommaviy axborot vositalari orqali e’lon qlinadi. Bunday xatlarni ochiq xatlar deb 
atashadi. Ularda adabiy til me’yorlariga qat’iy amal qilinadi. Publitsistik yoki badiiy uslubda yoziladi. Suhbatdoshga hurmat, yuksak madaniyat darajasida turib 
murojaat qilinadi. Fikr bildirish erkin, mulohaza xolis boʻlishi kerak.
2004 yil may oyida adabiyotshunos olim, Oʻzbekiston Qahramoni Ozod 
Sharafuddinov adabiyotshunos olim Ibrohim Haqqulovga ijtimoiy mazmundagi xat yozgan.
Xulosa qiladigan boʻlsak, xatda muallifning fikr-mulohazalari, ichki 
kechinmalari, dunyoqarashi, maqsadi namoyon boʻladi. Shuning uchun xat, noma 
kishilik jamiyatida asosiy oʻrinlardan biriga ega. Xat yozish malakasi va uning turlari haqida tushunchaga ega boʻlmasdan turib, nutq madaniyatiga erishib 
boʻlmaydi. .Shaxsiy xatlar badiiy adabiyotlarda keng qoʻllaniladi.Shaxsiy xatlar rasmiy xatlardan quyidagi belgilari bilan farq qilinadi.Rasmiy xatlarda zaruriy qismlari mavjud boʻladi.
Da’vo xati va da’vo arizasi
Da’vo xati – ma’lum bir muassasaning boshqa bir idora yoki transport tashkilotlariga nisbatan talab va e’tirozlari bayon qilingan xatlardir. Da’vo xatlari tovar yetkazib berish, qurulish ishlari, ijara, yuk tashish va shu kabi bir qancha ishlar boʻyicha tuzilgan shartnomalar bajarilmay qolganda, oʻz qonuniy huquqlarini va manfaatlarini himoya qilish maqsadida tuziladi. Da’vo xatlarida asosan shartnomaga koʻra oʻz zimmasiga olgan majburiyatini buzgan tomon yetkazgan zararni qoplash talab qilinadi. Odatda da’vo xatlari uch nusxada tayyorlanadi.
Da’vo xatlarining zaruriy qismlari:
1.Da’vo qiluvchi muassasa nomi va adresi.
2.Xatning yozilish sanasi va tartib raqami.
3.Da’voni qabul qiluvchi muassasa nomi va adresi.
4.Da’vo bahosi (qiymati).
5.Xat matni.
6.Ilovalar roʻyxati.
7.Mansabdor shaxslarning imzosi.