Mavzu: Web resurslarini yaratish va ularning dasturiy va texnik muammolarini o’rganish

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI MUQIMIY NOMIDAGI QO‘QON DAVLAT PEDAGOGIKA INSTITUTI


MAGISTRATURA BO‘LIMI


5A110102-Ta’limda axborot texnologiyalari mutaxassisligi
magistranti


Maxmudov Oxunjon Odiljon o‘g‘lining

“C++ builder dasturida ARMning avtomatlashtirilgan dasturiy ta’minotini yaratish metodikasi”

DISSERTATSIYANING

KIRISH QISMI

Qo‘qon – 2022

KIRISH

Magistrlik dissertatsiyasi mavzusining asoslanishi va uning dolzarbligi. Hozirgi vaqtda kutubxona tarmog’ini tashkil qilishda zamon talablarini hisobga olgan holda, o’sib kelayotgan yosh avlodning intellektual ehtiyojlarini qondirishga shu bilan birga aholini yanada kengroq va tizimli axborot bilan ta’minlash uchun kerakli bo’lgan sharoitlarni yaratish maqsadida O‘zbekiston Respublikasi Prezidentining 2006- yil 20-iyundagi PQ-381-sonli qarori va Oliy ta’lim vazirligining 2006-yil 29-dekabrdagi 295-sonli buyrug’iga asosan Axborot-resurs markaziga aylantirildi. 2011-yil 23-fevral “2011-2015-yillarda axborot-kommunikatsiya texnologiyalari asosida axborot kutubxona va axborot-resurs хizmatlarini yanada sifatli rivojlantirish chora-tadbirlari to’g’risida”gi 1487-sonli qarori va O’zbekiston Respublikasining 2011-yil 13-aprel “Axborot-kutubxona faoliyati to’g’risida”gi qonuni va 2019 yil 7-iyundagi PQ-4354 sonli O’zbekistin Respublikasi Prezidentining “O’zbekiston Respublikasi aholisiga Axborot-kutubxona xizmati ko’rsatishni yanada takomillashtirish” to’g’risidagi qarorlari asosida ishlar olib borilmoqda.
Respublikamizning axborot-resurs, axborot-kutubxona markazlari va kutubxonalarda 100 mln. dan ortiq turli shakl va ko‘rinishdagi axborot resurslari saqlanmoqda. Shunday qilib, axborot resurs markazi va kutubxonalar faoliyatini rivojlantirmasdan, axborot qidirish vositalarini takomillashtirmasdan turib, ta’lim va fan sohasini rivojlantirish mumkin emasligini tushunib olish qiyin emas. Zero bir yilda dunyoda 10 000 000 dan ortiq maqola va 1 000 000dan ortiq kitoblar chop qilinishini nazarga olsak, bunday ulkan axborot oqimidan keraklisini ajratib olish naqadar mushkul ish ekanligini tushunib yetamiz. Yuqoridagilardan ko`rinib turibdiki, axborot-resurs markazlari ish jarayonini avtomatlashtirish bugungi kunning dolzarb muammolaridan hisoblanadi.