Vatan haqida qo’shiq
Vatanlar shodasi ichra durdona
O’zingsan dunyoda tanho yagona
Qoshingda bir umr bo’lib parvona
Vatanim, koringga yarasam deyman
Qismat tashlamasin sendan yiroqqa
Yurak dosh berolmas bunday firoqqa
Go’dakdek talpinib ona quchoqqa
Yo’g’ingu boringga yarasam deyman
Begona mehriga zor bo’lmagaysan
Do’st, g’anim qoshida xor bo’lmagaysan
Biron farzandngga tor bo’lmagaysan,
G’ururi oringga yarasam, deyman
Senga fido bo’lsin ming bitta jonim
Seniki – nimaga yetsa imkonim,
Bino bo’lsang, buyuk O’zbekistonim –
G’ishtdek, devoringga yarasam deyman
- O’qituvchi o’quvchilarga uyga vazifa qilib o’zlari xoxlagan Vatan haqidagi she’rlardan yod olishlarini topshiradi va o’zi M.Zayniddinovaning ona yurt to’g’risidagi to’rtligini o’qish bilan darsni yakunlaydi:
- Vatan nima? Ma’nosini angla qo’zim,
Sen shu Vatan ertasisan, angla so’zim.
Yurt farzandi, el farzandi bo’lsang bolam
Men roziman, aslo qaro bo’lmas yuzim
Uyga vazifa: Hududdagi O’zbekiston qahramonlari nomini yozish
Do'stlaringiz bilan baham: |