Mavzu: Turoperatorlik xizmatini ko‘rsatish texnologiyasi mundarija: Kirish

2.2.1-jadval
2017-yildagi Xorazm viloyatida turoperatorlar tomonidan amalga oshirilgan turistik faoliyat natijalari haqida ma’lumot¹⁰

Mehmon-xonalar soni	Xonalar soni	O‘rinlar soni	Turistlarning kelishi			Xonalarkesimi foizda	O‘rinlar kesimi foizda
			Oylar	Umumiy soni	Yasha-gan kuni
58	1278	2489	Yanvar	2610	5314	13	7
			Fevral	2126	5249	15	8
			Mart	4167	8285	21	11
			Aprel	12465	20785	54	28
			May	14514	23355	59	30
			Iyun	6222	9900	26	13
			Iyul	6228	9822	25	13
			Avgust	10157	16089	41	21
			Sentabr	15497	25838	67	35
			Oktabr	15400	25976	66	34
			Noyabr	4993	13021	34	17
			Dekabr	4768	6982	18	9
Jami soni				99147	170616	37	19

Mazkur jadvalga asosan, 2017-yildagi Xorazm viloyatida jami 58 ta meh-monxona faoliyat yuritgan, ulardagi xonalar soni 1278 tani va o‘rinlar soni 2489 tani tashkil etgan. Viloyatga turistlarning kelishi bo‘yicha jami 12 oy davomida 99147 nafar kishiga to‘g‘ri kelib, yashagan kunlari 170616 taga to‘g‘ri keladi. Shuningdek, ularni xonalar va o‘rinlar sonining ulushi bo‘yicha ko‘radigan bo‘lsak, mos ravishda 37 va 19 birlikka to‘g‘ri keladi.

Umuman olganda, turoperator faoliyatida biznes sohasini rivojlantirish, avvlo erkin iqtisodiyot sharoitida jamiyatda tadbirkorlikning taraqqiyoti sohada huquqiy-me’yoriy asosni izchil va doimiy ravishda takomillashtirib borish bilan bog‘liq bo‘ladi.
Mazkur mezonlardan kelib chiqib, mamlakatimizda qabul qilingan turope-ratorlik subyektlarini rivojlantirishga oid qonunlar, farmonlar, hukumat qarorlari va sohalar bo‘yicha tegishli vazirliklarning me’yoriy hujjatlari mamlakatimiz iqtisodiyotini bosqichma-bosqich erkinlashtirib borishga qaratilmoqda.
Chunki, biznes faoliyatini rivojlantirish birinchi navbatda tadbirkorlar bilan birga davlat katta manfaatdor bo‘ladi. Zero, turoperator faoliyatida biznes sohasini rivojlantirish quyidagi imkoniyatlarni yaratib beradi:
-davlat byudjetini mablag‘ bilan to‘ldiradi;
-yangi ish o‘rinlarini tashkil qilish evaziga ishsizlik kamayadi;
-mamlakat turistik bozorini to‘yintiradi;
-turistik bozorda xizmatlar narxining kamayishi ro‘y beradi;
-mahalliy aholining farovonligini oshiradi;
-subyektlarini o‘z yashovchanligini ta’minlash uchun kurashga undaydi;
-pirovardida yuqori iqtisodiy o‘sishga erishiladi.
Shuningdek, turoperator faoliyatida biznes sohasini rivojlantirish yo‘nalish-laridan yana biri turizm biznesini amalga oshirishga qaratilgan biznes-rejani ishlab chiqish hisoblanadi. Bu turoperator faoliyatining barcha sohalarida qo‘llaniladigan vositasi bo‘lib, turfirmaning ish jarayonini to‘la tasvirlaydi, firma rahbarlarining o‘z maqsadlariga erishishlari hamda birinchi galda ish daromaddorligini oshirish mumkinligini ko‘rsatib beradi.
Ayniqsa, takomillashgan shaklda ishlab chiqilgan biznes-reja turoperator firmasining o‘sishi, bozorda yangi mavqelarni qo‘lga kiritish, o‘z taraqqiyotining istiqbollarini belgilab olish, yangi xizmat turlarini yaratish va mo‘ljallarni amalga oshirishning maqsadga muvofiq usullarini tanlab olishga yordam beradi. Demak, turoperator faoliyatida biznes-reja doimiy hujjat bo‘lib, bu turoperator firmasining mas’ul shaxslari tomonidan muntazam ravishda yangilab boriladi hamda unga vaziyatga qarab o‘zgartirishlar kiritiladi.
Ana shularga muvofiq, biznes-reja turoperatorlik firmasining muayyan bozor-dagi faoliyatning aniq yo‘nalishini o‘rganish maqsadida o‘tkaziladigan marketing tadqiqotlari va tashkiliy ishlarning natijasiga bo‘lgan munosabatidir. Mazkur munosabat quyidagi vazifalarni amalga oshirishga asoslanadi.