Мавзу: Тизим тушунчаси ва унинг турли таърифлари

4-МАЪРУЗА

Ахборот тизимларида маълумотларни тасвирлаш
Режа:

1. Бошқарув ахборот технологиялари

2. 
   Қарорлар қабул қилиш ахборот технологиялари
   
3. 
   Эксперт тизимлари
   
4. 
   Биллинг тизимлари
   
5. 
   Бизнесни бошқариш тизимлари
   

Бошқарув ахборот технологиялари

Бошқарувнинг ахборот технологияси мақсади фирмадаги қарорлар қабул қилиш билан алоқадор бўлган ҳеч бир истисносиз барча ходимларнинг ахборотга бўлган эҳтиѐжини қондиришдан иборатдир. У бошқарувнинг барча даражаларида фойдали бўлиши мумкин.

Бу технология бошқарувнинг ахборот тизими муҳитида ишлашга мўлжалланган ва ҳал қилинадиган масалалар, агар уларни маълумотларга ишлов беришнинг ахборот технологияси ѐрдамида ҳал қилинадиган масалалар билан қиѐслаганда, жуда ѐмон тузилган ҳолларда фойдаланилади.
Бошқарувнинг ахборот тизими турли функционал кичик тизимлар (бўлинмалар) ѐки фирманинг бошқарув даражалари ходимларининг ахборотга бўлган ўхшаш эҳтиѐжларини қондириш учун жуда тўғри келади. Улар етказиб берадиган ахборот фирманинг ўтмиши, бугунги куни ва келажаги тўғрисидаги маълумотларни ўз ичига олади. Бу ахборот доимий ѐки махсус бошқарув ҳисоботлари шаклига эга бўлади.
Бошқарув назорати даражасида қарорлар қабул қилиш учун ахборот агрегатланган шаклда шундай тақдим этилиши керакки, бунда маълумотларнинг ўзгариш йўналишлари, юзага келган оғишларнинг сабаблари ва қабул қилиниши мумкин бўлган қарорлар кўзга ташланиб турсин. Бу босқичда маълумотларга ишлов беришнинг қуйидаги масалалари ҳал қилинади:
бошқарув объектининг режалаштирилган ҳолатини баҳолаш; режалаштирилган ҳолатдан оғишларни баҳолаш; оғишларнинг сабабларини аниқлаш;
қабул қилиниши мумкин бўлган қарорлар ва ҳаракатлар таҳлили.
Бошқарувнинг ахборот технологияси ҳисоботларнинг хилма-хил турларини тузишга йўналтирилган.