Mavzu: Tayyorlov o’yinlarini o’tkazish metodikasi

Mavzu: Tayyorlov o’yinlarini o’tkazish metodikasi.


Reja:

1. 
   Kirish.
   
2. 
   To’g’ri nafasni rivojlantirishga qaratilgan o’yinlar.
   
3. 
   Ovozni rivojlantirishga oid o’yinlar
   
4. 
   Eshituv diqqatini rivojlantirishga oid o’yinlar.
   
5. 
   Fonematik idrokni va nutq eshituvini rivojlantirishga qaratilgan o’yinlar.
   
6. 
   Xulosa
   
7. 
   Foydalanilgan adabiyotlar.
   

Kirish
Nutq bu kishilararo aloqa quroli, milliy boylik, hamda tarbiya, maorif va ijodiyot uchun qudratli vositadir. Nutq bolalarda asta-sekinlik bilan kattalar nutqi asosida rivojlanib boradi. Bola kattalarga taqlid qilish orqali tovush va so’zlarni to’g’ri talaffuz qilishga o’rganadi. Bolalar o’sib rivojlangan sari nutqi ham rivojlanib boradi. U yoki bu darajadagi nutq buzilishlari bola shaxsining shakllanishiga bilish faoliyatining rivojlanishiga salbiy ta’sir etishi mumkin.
Maktabgacha yoshdagi bolalarni asosiy faoliyati bu o’yindir. Har qanday o’yin turlari, o’yin elementlari nutqida nuqsoni bor bolalar bilan olib boriladigan korrektsion ishlarni barcha bosqichlarida foydalaniladi. O’yin faoliyatidan keng foydalanish o’yin orqali bolaga har tomonlama ta’sir etishidir. Bolalarda nutqning to’liq shakllanishi va rifojlanishi uchun mashg’ulotlarda logopedik o’yinlardan foydalanish katta ahamiyatga ega.
Mualliflarning aksariyati o’yinni nutqqa ta’sir etuvchi vosita sifatida qarashgan. O’yinning emoional tomoni bolalarda qiziqish uyg’otadi va logopedga bolaga kerakli vaqtda ta’sir ko’rsatish uchun imkoniyat beradi.
Logopedik o’yin mashg’ulotlarida bolalar bilan:
- nafasni rivojlantirishga oid o’yinlar;
- eshituv diqqatini rivojlantirishga oid o’yinlar;
- nutq apparati harakatini rivojlantirishga qaratilgan o’yinlar;
- tovushlar talaffuzidagi kamchiliklarni bartaraf etishga qaratilgan o’yinlar;
- duduqlanishni bartaraf etishga oid o’yinlar;
- mayda qo’l motorikasini rivojlantirishga oid o’yinlar o’tiladi.
Maxsus tashkil qilingan logopedik mashg’ulotlar tizimi negizidagina bolalar nutqidagi kamchiliklarni bartaraf etish, korrektsiyalash hamda nutqning rivojlanishiga erishish mumkin.