Mavzu Tashqi qulok kasalliklari, bolalarda o‘ziga xos kechishi,zamonaviy tekshirish usullari, davolash prinsiplari

 
 
 
 
QULOQDA YoT JISMLAR 
Quloqdagi yot jismlari ko‘pincha 3-7 yoshgacha bo‘lgan bolalarda 
uchraydi. Bolalar o‘ynab bir-birini qulog‘iga yoki o‘z quloqlariga turli jismlarni
(no‘xat, tugma, danaklar, tosh va qog‘ozlarni) tiqib olishadi. Katta 
yoshdagilarda esa quloq tozalash maqsadida tiqilgan gugurt cho‘plari, paxt, 
uxlab yotganda esa tirik xashoratlar (suvarak,pashsha) tushib qoladi. 
Kasallikni belgilari -
Agar yot jism yuzasi silliq bo‘lib tashqi eshituv 
yo‘li devorlarini jaroxatlamasa yoki to‘liq berkitib qo‘ymasa, uzoq vaqtgacha 
bezovta qilmasligi mumkin. Yuzasi notekis, o‘tkir jismlar tashqi eshituv 
yo‘llariga sanchilib qolganda,yoki tirik xashoratlar bo‘lsa ular xarakatlanganda 
bemorlarda quloqda shovqin, og‘riq va noxushliklar keltirib chiqaradi. Agar 
no‘xat,loviya va mosh kabi yot jisimlar quloqqa tushib qolsa,asta-sekin nam 
tortib,kattalashadi va tashqi eshituv yo‘lini to‘liq berkitib qo‘yadi,natijada 
eshitish pasayib qoladi. 

---

Davolash: 
yot jismni olishdan avval agar tirik xashorat bo‘lsa, xarakatini 
to‘xtatish maqsadida quloqqa yog‘li yoki sipirtli tomchilar tomiziladi va 
xarakati to‘xtagandan so‘ng Jane щpritsi bilan iliq antiseptik suyuqlik bilan 
yuvib tashlanadi. Yot jismni olishda boshqa usullarga nisbatan yuvish usuli kam 
jaroxatli va qulay xisoblanadi. Yuvish orqali olishni iloji bo‘lmagan yot 
jisimlar,uchi tumtoq ilmoqli (Zaufal yoki Ostman ilgaklari) zond yordamida 
olinadi. Bu usulni qo‘llashda xushyorlik bilan, bemor boshini qimirlatmasdan 
olishlik talab qilinadi, aks xolda tashqi eshituv yo‘li devorini yoki nog‘ora 
pardani jaroxatlab qo‘yish mumkin. Shuning uchun ko‘pincha yosh bolalarda 
yot jismni olishda qisqa muddatli narkoz qilinadi. 
Nam tortib shishib qolgan no‘xat, loviya, mosh kabi yot jismlarni avval 
quloqqa spirt tomiziladi,ular burishib xajmi kichraygandan so‘ng olinadi. 
Yumaloq shakldagi yot jismlarni xech qachon pinset yoki qisqichlar bilan 
olishga xarakat qilmaslik kerak, chunki olish xarakatida aksincha ularni yanada 
ichkariga, tashqi eshituv yo‘lini toraygan qismidan o‘tkazib yuborish mumkin. 
Yot jismlarni instrumentlar yordamida olish faqat malakali mutaxassis 
tomonidan bajarilishi kerak, aks xolda turli asoratlar yuzaga kelishi mumkin. 
Yot jismlarni olishni iloji bo‘lmaganda yoki turli asorat va yallig‘lanish yuz 
berib tashki eshituv yo‘li berkilib qolganda jarroxlik yo‘li bilan, quloqda 
radikal jarroxligi o‘tkazgandek,so‘rg‘ichsimon soxa terisi kesilib,eshituv yo‘lini 
orqa devori orqali olish mumkin.