Mavzu Tashqi qulok kasalliklari, bolalarda o‘ziga xos kechishi,zamonaviy tekshirish usullari, davolash prinsiplari

---

Mavzu Tashqi qulok kasalliklari, bolalarda o‘ziga xos kechishi,zamonaviy 
tekshirish usullari, davolash prinsiplari. 
Tashqi quloqni yallig‘lanish
kasalliklari. 
Tashqi quloq kasalliklari turli yoshdagi odamlarda uchraydi va kelib 
chiqishi,klinik kechishida bemorlarni yoshi, quloqni turli salbiy tashqi 
ta’sirlarga ucharashi xolati, bemorni immunologik qobiliyatini xususiyatlariga 
va mikroflopani virulentligiga bog‘liq bo‘ladi.
Tashqi quloqdagi kasalliklar – quloq surpasi va taqi eshituv yo‘li 
kasalliklariga bo‘linadi. Quloq surpasida, yolin (roja),terini yallig‘lanishi 
(dermatit),jaroxatdan so‘ng teri ostiga qon quyilishi (otgematoma), perexondrit 
uchrasa,tashqi eshituv yo‘lida chegaralangan (chipqon) yoki tarqalgan (diffuz) 
tashqi otit, quloq chirki uchraydi. 

Otgematoma 
Kelib chiqishi turli mexanik jaroxatlardan so‘ng quloq surpasini tog‘ay 
pardasi ostiga qon quyilishi kuzatiladi. 
Bemorni shikoyatlari 
Jaroxatdan so‘ng quloq surpasi soxasida og‘riq 
bo‘ladi,so‘ngra teri ostiga qon quyilishi natijasida quloq surpasida 
chegaralangan shish paydo bo‘ladi. Vaqt o‘tishi bilan og‘riq kuchayadi, agar 
qon quyilgan joyga infeksiya tushsa,yiringli jarayon rivojlanib, maxalliy va 
umumiy xarorat ko‘tariladi. 
Otoskopiyada
quloq surpasida chegaralangan, yumaloq shaklda, 
ko‘kimtir yoki to‘q jigarrang yumshoq bo‘rtma ko‘rinadi,bu bo‘rtmani tarkibi 
qon yoki limfa suyuqligida iborat,ushlab ko‘rilsa og‘riqli bo‘ladi. O‘z vaqtida 
yordam ko‘rsatilmasa infeksiya qo‘shilib yiringli jarayonga aylanishi 
mumkin.Kasallik asoratlangan xolda yiringlash jarayoni kuchayib,tog‘aylarga 
tarqalib ularda yallig‘lanish (perexondrit) chaqiradi va keyinchalik quloq 
surpasida turli ikkilamchi deformatsiyalar rivojlanadi. 
Davolash
– kichik otgematomalar yengil, bosib turuvchi spirtli bog‘lovlar 
qilinsa,tezda qayta so‘rilib ketishi mumkin. Katta xajmdagi otgematomalar 
puksiya qilinib ichidagi suyuqlik so‘rib olinadi va o‘rniga 5% yod yoki
antibiotiklar eritmasini yuboriladi, so‘ngra bosib turuvchi bog‘lov qilinadi. Agar 
katta otgematomalar yiringlab ketsa, kesib ochiladi va yara antibiotiklar eritmasi 
bilan yuvilib, aseptik bog‘lov qo‘yiladi.Agar jarayon kuchayib perexondrit bilan 
asoratlansa davolashga antibiotiklar va antigistaminlar qo‘shiladi. 

---