Мавзу: Ташкилотлар ва уларни бошқариш

Ташкилотни синергетик самараси

Синергетик самара ҳаммадан аввал қуйидагилар ҳисобига ташкил бўлади:

- ходимлар ва бўлинмалар меҳнатини тақсимланиши ва ихтисослашиши;

- ташкилий корпоратив маданиятни шаклланиши;

- ходимлар томонидан касбий тажриба ва билимлар билан алмашиш,

улардан яхшироқ фойдаланиш;

- бирлаштирилган моддий ва молиявий ресурслардан самарали

фойдаланиш;

- ҳар бир киши учун унинг шахсий ва ишга доир сифатларига мос

келувчи иш жойи ва лавозимни танлаб олиш, улардан ҳар бирининг

билимлари ва касбий кўникмаларидан яхшироқ фойдаланиш;

- ҳар хил одамларнниг тажрибаси, билимлари ва малакаларини битта

ташкилот (бўлинма)да бирлаштириш ва ҳ.к.

Ташкилотнинг яшаш даври

Ташкилотнинг яшаш даврини кўриб чиқиш мумкин. Унинг энг кенгтарқалган варианти:

• Биринчи босқич – ташкилотни ташкил қилиниши, уни вужудга келиши. Бунда асосий вазифалар – бозорга чиқиш, янада ривожланиш учун кўпроқ фойда олишдир.
• Иккинчи босқич – ташкилотнинг ўсиши. Бу босқичнинг асосий мақсади – қисқа муддатли фойда ва жадал ўсиш. Асосий вазифа – бозорнинг бир қисмини қамраб олиш.
• Учинчи босқич – ташкилотнинг балоғати. Бунда асосий мақсад барча йўналишлар бўйича самарадорликни ошишидан иборат бўлади. Энг муҳим вазифа - корхонанинг обрўсини ошириш. Бу корхонанинг тузилишига даврий равишда ўзгартиришлар киритишни талаб қилади.
• Тўртинчи босқич - таназзул, ташкилотни қариши. Рақобат, бозорни қисқариши натижасида ташкилот ўз маҳсулотига талабни камайишига дуч келади. Ташкилотнинг асосий мақсади мавжуд ўринлари сақлаб қолиш ҳисобига барқарорликни таъминлашдан иборатдир.

Ташкилотнинг яшаш даври

Ташкилот ҳаётининг яна бир палласини ажратиш мумкин. Ташкилотдаги ишларнинг ҳолати ва менежментнинг ҳулқига кўра қуйидаги вариантлар бўлиши мумкин; ташкилотнинг қайтадан тикланиши ёки уни тугатилиши. Кўпгина ҳолларда ташкилотни бошқаришнинг асосий мақсади уни қайтадан тиклашдан иборат бўлади. Бунда ташкилот фаолиятини ўзгартириш, уни қайта ташкил қилиш ва инновацияларни тадбиқ этиш асосий вазифа бўлади.