Mavzu: Tasavvufning vujudga kelish tarixi

Fanni o‘qitishning maqsadi va vazifalari
“Tasavvuf va badiiy ijod” fanini o‘qitishdan maqsad adabiyot ilmidagi va umuman, ma’naviy hayotimizga chuqur singib ketgan mumtoz adabiyot namunalari tarkibidagi tasavvufiy ruhdagi asarlarni o‘rganishdan iborat. Bu ruhdagi asarlardagi timsollar va istilohlar mohiyatini tushunish orqali adabiy manbani har tomonlama izchil tahlil qilishga erishilishi mumkin. Tasavvuf tarixi va nazariyasi masalalarini badiiy asarni tahlil qilish tamoyillari va estetik talablar doirasida o‘rganishga e’tibor qaratiladi. Ana shu jihatdan mazkur fanning vazifasi quyidagilarda ko‘rinadi:

• 
  Tasavvuf istilohi va uning ma’noviy qamrovini o‘rganish;
  
• 
  tasavvuf va tasavvuf adabiyotining vujudga kelgan davri, o‘rni va tarqalish geografiyasini tushunish;
  
• 
  risola, maqomot, manqaba, tazkiralar va b. tasavvufiy adabiyot janrlar tizimini aniqlash va bu janrlarda yaratilgan asarlarni tahlil qilishga kirishish;
  
• 
  badiiy adabiyotdagi doston, qissa, g‘azal, ruboiy va boshqa janrlarda ifodalangan tasavvufiy g‘oyalar, timsollar mohiyatini anglash;
  
• 
  mashhur mutasavviflar faoliyati va ularning yirik asarlarini o‘rganish orqali tasavvufiy dunyo haqida tasavvurga ega bo‘lish;
  
• 
  mumtoz adabiyotning tasavvufiy timsollar olamini aniqlash va undan badiiy tahlil jarayonida foydalanish;
  
• 
  poetikan istilohiing ma’noviy qamrovi va mohiyatini anglash;
  
• 
  mumtoz poetika tizimidagi fanlar tajmuasi ilmi adab (ilmi aruz, ilmi bade’, ilmi qofiya...), ilmi kalom, ilmi bayon va ularni ng manbalari haqida bilim olish;
  
• 
  Sharq mumtoz poetikasining ilk ildizlarini aniqlash, mashhur poetika maktablarining taraqqiyot bosqichlari o‘rganish;
  
• 
  poetikaning turkiy manbalari, xususan, Navoiy poetikasi manbalarini tahlil qilish;
  
• 
  XVI-XIX asrlar o‘zbek poetika maktablarining xususiyatlari aniqlash va
  
• 
  XX asr boshlarida poetikaning yangilanish jarayonlarini o‘rganishdan iborat.