Mavzu: Ta’lim muassasalarida psixologik xizmat reja

Mavzu: Ta’lim muassasalarida psixologik xizmat

REJA:

1. 
   Xalq ta`limi tizimida psixologik xizmatning maqsadi
   
2. 
   Psixologik xizmatning asosiy vazifalari
   
3. 
   Psixologik xizmat mahsuldorligining sharoitlari
   

Tayanch iboralar: psixologik xizmatning maqsadi, psixologik xizmatning asosiy vazifalari, o`quvchilarga individual yondashuv

1. 
   Xalq ta`limi tizimida psixologik xizmatning maqsadi
   

Psixologik xizmat xalq ta`limi tizimining muhim tarkibiy qismi bo`lib, Xalq ta`limi tizimidagi psixologik xizmat respublikadagi yaxlit psixologik xizmatning eng muhim jabhasi hisoblanadi.

Psixologik xizmat O`quvchilarni kasb-hunarga yo`naltirish va psixologik-pedagogik Respublika tashxis Markazining tarkibiy tuzilmasi hisoblanadi.

Maktablardagi psixologik xizmat o`rta maxsus ta`limning zaruriy tarkibiy qismidir. Bu xizmatning zaruriyligi maktab ehtiyojlaridan kelib chiqadi. Har bir o`quvchida hayotga ijodiy munosabat va individual xususiyatlarning taraqqiyoti ta`minlaganligini psixologik xizmat to`g`ri tashkil etilgan deyish mumkin.

Psixolog o`zining inson hulq-atvori va psixik faoliyati, psixik taraqqiyotning yosh qonuniyatlari haqidagi kasbiy bilimlariga, ularning o`quvchilar va kattalar, tengdoshlari bilan o`zaro munosabat xususiyatlariga, o`quv-tarbiya jarayonini tashkil etishga bog`liqligiga tayanib, bolaga individual yondashuv imkoniyatlarini ta`minlaydi, uning qobiliyatlarini aniqlaydi, normadan og`ishishlarning bo`lishi mumkin bo`lgan sabablarini psixologik-pedagogik korreksiya qilish yo`llarini aniqlaydi. Bu bilan psixologik xizmat maktabda o`quv-tarbiya ishining mahsuldorligini oshirishga, ijodiy faol shaxsni shakllantirishga imkon beradi.