Mavzu: Talabalik davrida ijtimoiy intellekt shakllanishining pedagogik shart-sharoitlari III. Magistrlik dissertatsiya mavzusining asosnomasi tadqiqot mavzusining dolzarbligi

3. Mavzuning o’rganilganlik darajasi:

O’zbekiston Respublikasining birinchi Prezidenti I.A.Karimovning asarlari, yurtboshimiz SH.M.Mirziyoev boshchiligida ishlab chiqilgan “Harakatlar strategiyasi” mazkur tadqiqot uchun metodologik asos bo’lib xizmat qiladi. Bo’lajak o’qituvchilarni ta’lim jarayonini loyihalashga o’rgatish, kasbiy-shaxsiy sifatlarni shakllantirish, ularni istiqboldagi pedagogik faoliyatga tayyorlash, o’qituvchilarda innovatsion tayyorgarlikni shakllantirish, ulardagi kasbiy ijodkorlik ko’nikmalarini rivojlantirish muammolari ko’pgina ilmiy izlanishlarda o’z ifodasini topgan.

B.Abdullaeva, N.N.Azizxodjaeva, H.Abdukarimov, R.Djuraev, N.A.Muslimov, U.Nishonaliev, B.Raximov, N.Sayidahmedov, O’.Tolipov, SH.SHaripov, N.SHodiev, N.Erkaboeva, D.YUnusova, J.G’.Yo’ldoshev, O.Haydarova kabi olimlarning tadqiqotlarida bo’lajak o’qituvchilarni pedagogik kasbiy faoliyatga tayyorlashning nazariy va amaliy asoslari, shart-sharoitlari, pedagogik mahoratning shakllanish bosqichlari, B.R.Adizov, R.SH.Ahlidinov, SH.Barotov, M.G.Davletshin, SH.Q.Mardonov, N.Safoev, E.Seytxalilov, G’.SHoumarov, J.G’.Yo’ldoshev, SH.Qurbonov, E.G’ozievlarning ishlarida ta’lim-tarbiya jarayonini texnologiyalashtirish, shaxsga yo’naltirilgan ta’lim jarayonining pedagogik-psixologik muammolari, A.Abduqodirov, U.Begimqulov, N.Taylakov, F.Zokirovaning tadqiqot ishlarida pedagogik jarayonga innovatsion texnologik yondashuv hamda bo’lajak o’qituvchilarni tayyorlashda pedagogik hamda axborot texnologiyalardan foydalanishning o’ziga xos jihatlari ochib berilgan.

Sotsial intellekt muammosi psixologiyada bir necha jabhalarda o’rganilgan bo’lib, ularda sotsial intellektning umumiy tabiati, atamaning fanda qo’llanilishi va ayrim faoliyat yo’nalishlarida o’rganilgan: Robert Torndayk, G.Gardner (intellektning ko’p qirraliligi haqida yondashuvi), P.Selov va J.Mayer emotsioanal intellekt atamasini fanda qo’llay boshlaganligi (1990), Daniel Goulman“Emotsional Intelligence” nomli kitobini nashr ettirdi (1995), sotsial intellektning turli etnik tasavvurlarni shakllanishidagi ta’siri (E.A.Fedorova 2009), harbiy psixologlar faoliyatida sotsial intellektning roli (I.F.Bashirov 2006), korxona rahbarining emotsional intellekti xodimlariga ta’siri (I.A.Egorov), rahbar shaxsiy fazilatlari bilan ijtimoiy intellekti munosabatlari (E.V.Belyayeva 2005).

Xorijlik olimlar B. Myunsterberg, D. Xolland, D. Syuperlar shaxsning kabiy jihatdan yuqori darajada etuklikka erishish muammolarini o’rgangan bo’lsalar, shaxsning kasbiy martabaga ega bo’lish jarayoni va uning pedagogik-psixologik jihatlarini A.Maslou, L.Zondi, A. Bandura, Dj. Rotterlar (AQSH) tadqiq etishgan.

Talabalik davrida ijtimoiy intellekt shakllanishining pedagogik shart-sharoitlarini ularning ta’lim jarayonini loyihalashga oid ko’nikmalarini shakllantirish, pedagogik intelektni rivojlantirish, ularda o’z kasbiy faoliyatiga nisbatan ijobiy munosabatni tarkib toptirishning ayrim jihatlari ochib berilgan.