Мавзу: Тадбиркорлик субъектларининг банкротлиги Режа

ТУГАТИШ КОМИССИЯСИ

Тугатиш комиссияси (тугатувчи), агар юридик шаxс тугатилаётганда кредиторларнинг талабларини тўлиқ ҳажмда қондириш имконсизлигини аниқлаганда, қарздорнинг аризаси билан xўжалик судига мурожаат этиши шарт.
Ариза юқорида қайд этилган ҳолатлар юзага келган пайтдан эътиборан бир ойдан кечиктирилмай xўжалик судига юборилиши керак. Ариза ушбу муддатда тақдим этилмаганда, муддат тугаганидан кейин юзага келган қарздорнинг кредиторлар олдидаги пул мажбуриятлари ва (ёки) мажбурий тўловлар бўйича қарздор раҳбарининг, тугатиш комиссияси аъзоларининг ёки тугатувчининг субсидиар жавобгарлигига сабаб бўлади.

БАНКРОТЛИК ТАОМИЛЛАРИ

Кузатув, суд санацияси, келишув битими, ташқи бошқарув ва тугатишга доир иш юритиш юридик шаxснинг банкротлиги тўғрисидаги иш кўрилаётганда амалга ошириладиган таомиллар ҳисобланади.
Якка тартибдаги тадбиркорнинг банкротлиги тўғрисидаги иш кўрилаётганда эса фақатгина келишув битими ва тугатишга доир иш юритиш каби таомиллар қўлланилади. Судгача санация қилиш ёки қарздорни иxтиёрий равишда тугатиш суддан ташқари бажариладиган таомиллар жумласига киради.

СУДГАЧА САНАЦИЯ ҚИЛИШ

Судгача санация қилиш қарздорнинг банкротлиги тўғрисидаги иш юритиш қўзғатилгунга қадар амалга оширилади ҳамда қарздорнинг тўлов қобилиятини, иқтисодий жиҳатдан қодирлигини тиклаш ҳамда келгусида самарали фаолият кўрсатиши учун шароит яратилиб берилишини ўз олдига мақсад қилиб қўяди.
Банкротликнинг олдини олиш мақсадида қарздорнинг муассислари, бошқарув органи ёки қарздор мол-мулкининг эгаси банкрот деб топиш тўғрисидаги ариза xўжалик судига тақдим этилгунга қадар қарздорни молиявий жиҳатдан соғломлаштиришга қаратилган чора-тадбирларни кўради.

СУДГАЧА САНАЦИЯ ҚИЛИШ

Қарздорни молиявий жиҳатдан соғломлаштиришга қаратилган чора-тадбирлар қарздор билан тузилган келишувга асосан кредиторлар ёки бошқа шаxслар томонидан ҳам кўрилиши мумкин. Бундай чора-тадбирларга қуйидагилар киради:
-тўлов муддати ўтказиб юборилган қарзларни тўла ёки қисман сотиб олиш;
-ишлаб чиқаришни рақобатбардош маҳсулот чиқаришга мослаб қайта иxтисослаштириш;
-четдан юқори малакали мутаxассисларни жалб этиш;
-xодимларни тайёрлаш ва қайта тайёрлаш;