Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Hayvonlardagi farq qiluvchi xususiyatlari. Otda - lentasimon, nafis, ilgagi katta bo‘ladi. Cho‘chqada - qanotsimon suyakning orqa tomoni kengaygan bo‘ladi. Itda - kvadrat shaklda, botiq, ilgagi uchburchak bo‘ladi.
Dimog‘ - vomer. Dimog‘ juft suyak bo‘lib, ponasimon, qanotsimon, yuqorigi jag‘ va jag‘ oraliq suyaklari bilan chegaralanadi. Dimog‘ suyagining orqa tomonida qanoti - alae vomeris joylashib, ular o‘rtasida burun to‘siqlarining ariqchasi yotadi. Qoramolda dimog‘ suyagi tanglay suyagi bilan birlashmaydi, dimog‘ kesigi bo‘lmaydi.
Hayvonlardagi farq qiluvchi xususiyatlari. Otda - dimog‘ suyagining orqa tomonida katta qanoti va kesigi bo‘ladi, u tanglay, yuqorigi jag‘ va jag‘ oraliq suyaklari bilan birlashgan bo‘ladi. Cho‘chqada - dimog‘ suyagining orqa tomoni qisqaroq. Itda - dimog‘ suyagining kesigi kichikroq bo‘ladi.
Yuqorigi burun chig‘anog‘i - concha nasalis dorsalis. Uning oldingi (kirish - oral) qismi ventral yo‘nalishda 1,5 marta aylangan bo‘ladi, orqa (aboral) qismi esa buralmagan, nozik ilma-teshik suyak varaqchasidan iborat.
Burun chig‘anog‘ining spiralsimon bo‘limi qisqa yirtiq orqali, o‘rta burun yo‘li bilan qo‘shilgan, orqa qismining bo‘shlig‘i esa peshona va yuqorigi jag‘ kovagi bilan birlashadi.
Yuqorigi burun chig‘anog‘i yon tomondan burun suyagining tarog‘iga, orqa tomondan esa panjarasimon suyakning gorizontal varaqchasiga kelib birikadi. Uning yuzasi shilliq parda bilan qoplangan.
Hayvonlardagi farq qiluvchi xususiyatlari. Otda - dorsal va ventral burun chig‘anoqlari bir xil o‘lchamda bo‘ladi. Cho‘chqada - qoramolnikiga o‘xshash.
Pastki burun chig‘anog‘i - concha nasalis ventralis qoramollarda yuqorigi jag‘ning tarog‘iga birikkan, uning oldingi qismi spiral shaklda 1,5 marta buralgan bo‘ladi va burunning o‘rta yo‘li bilan qo‘shilishadi. Orqa qismi bitta bo‘shliqdan iborat bo‘lib, peshona va yuqorigi jag‘ kovagi bilan birlashadi.