Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Hayvonlardagi farq qiluvchi xususiyatlari. Otda -yonoq suyagining faqat bitta chakka o‘simtasi bo‘ladi; chaynash maydonchasi cho‘ziqroq. Cho‘chqada - yonoq suyagida ikkala o‘simta ham bo‘ladi; ko‘z kosasi va chaynash maydonchalari aylanasimon bo‘ladi. Itda - yonoq suyagida ikki negizli asosi bo‘ladi; ko‘z kosasi va peshona maydonchalari kichik bo‘ladi.
Ko‘z yoshi suyagi - os lacrimale. Juft suyak bo‘lib, peshona, burun, yuqorigi jag‘ va yonoq suyaklari bilan chegaralanadi. Ko‘z yoshi suyagining tashqi yuzasi ko‘z kosasi cheti - margo orbitalis bilan bo‘lingan. Suyak ko‘z kosasi qismi va yuz qismlaridan tuzilgan. Yuz qismida ko‘z yoshi suyagi o‘simtasi - processus lacrimalis orbitalis bo‘ladi.
Ko‘z yoshi suyagining ko‘z kosasi qismida ko‘z yoshi xaltasining chuqurchasi - fossa sacci lacrimalis bo‘lib, unda burun-ko‘z yoshi kanalining teshigi - foramen nasolacrimalis joylashadi. Bu teshik burun, ko‘z yosh kanali - canalis nasolacrimalis ni hosil qiladi, va kanal burun bo‘shlig‘iga ochiladi. Xuddi mana shu erda yupqa suyak plastinkasidan iborat ko‘z yoshi pufagi - bulla lacrimales joylashib, ularning yon tomondagisi katta, medial tomondagisi kichik bo‘ladi. Pufak kovagi - sunus lacrimales yuqorigi jag‘ kovagi bilan birlashadi. Ko‘z yoshi suyagining ichki yuzasida u kovakning devori hisoblanadi.
Hayvonlardagi farq qiluvchi xususiyatlari. Otda - ko‘z yoshi suyagining oldingi va orqangi ko‘z yoshi do‘ngliklari bo‘ladi; burun-ko‘z yoshi kanalining teshigi naysimon. Cho‘chqada - ko‘z yoshi suyagining yuz qismi qoziq tishi chuqurchasini hosil qilishda qatnashadi; ko‘z yoshi suyagi do‘ngligi taroqsimon; burun-ko‘z yoshi kanalining teshigi ikki yoqlama, ko‘z kosasi chetida joylashadi. Itda - yuz qismi bo‘lmaydi; burun suyagiga etib bormaydi; tanglay suyagi bilan chegaralanadi.
Tanglay suyagi - os palatinum. Juft suyak bo‘lib, qoramolda xoana teshigini hosil qiladi va yuqorigi jag‘, peshona, panjarasimon suyak, pastki burun chig‘anog‘i, ponasimon, qanotsimon suyaklar va dimog‘ bilan chegaralanadi.