Mavzu: sifatni baholanishining shakllari va mahsulotning sifat nazorati

Xo‘jaliklarni konditsion urug‘lar bilan ta’minlanishi ularning sarfini kamaytirib, hosildorlik, mahsulot sifatining yaxshilanishiga olib keladi. Urug‘ning sifat ko‘rsatkichlari ko‘rsatilgan me’yordan past bo‘lgan taqdirda uning sotish bahosidan chegirib qolinadi yoki urug‘ konditsiyasi, ya’ni ekishga yaroqsiz hisoblanadi. Qishloq xo‘jalik mahsulotlariga jahon bozorida qo‘yiladigan talablar eksport konditsiyasida o‘z ifodasini topadi.
Eksport qilinuvchi barcha mahsulotlar ushbu standartlarda ko‘rsatilgan konditsiyalarga javob berishi lozim. Mahsulotni eksport qilish ana shu mahsulotning sifatli ekanligidan dalolat beradi.
1. Mahsulot sifati va sifatni boshqarish tushunchasi.
2. Sifatni boshqarish funksiyalari.
1. Mahsulot sifati va sifatni boshqarish tushunchasi.
Bozor iqtisodiyoti sharoitida ishlab chiqarish korxonalari oldida turgan eng asosiy vazifa-raqobatbardosh mahsulot ishlab chiqarishdir. Shuning uchun ham mahsulot va xizmatlar sifatini yaxshilash bugungi kunning mu’im masalalaridan hisoblanadi. Mahsulot va xizmatlar sifatini yaxshilash strategik muammo bo‘lib, mamlakatimiz iqtisodiyotining stabillashuvi bu muammolarning hal etishiga bog‘liqdir. Sifatni yaxshilash jarayoni mahsulotni sotish yoki xizmatlar ko‘rsatishda faqatgina ko‘proq foyda olish uchungina emas, balki jamiyat uchun, uning ravnaqi uchun ham zarurdir.
Ma’lum foydalilikka ega bo‘lib, sotilish bahosi bilan tannarx o‘rta-sidagi farqga ega bo‘lgan mahsulotlar albatta sotilishi kerak. Mahsulotlarni sotib olar ekanmiz, biz ularni faqatgina zarur bo‘lgani uchungina emas, balki bizga yoqqani uchun ham haqini to‘laymiz. Bunda mahsulotlarning tashqi ko‘rinishi, foydalanishning qulayligi, xizmat ko‘rsatish muddati, texnikaviy tavsifi, kafolatli xizmat ko‘rsatish shartlari kabilar ularning bahosini belgilashda muhim omil hisoblanib, xaridor mahsulotni “Ma’lum ehtiyojlarni qondiradi”, degan umid bilan sotib oladi. Shunday qilib mahsulotni sotilishining muhim shartlari-xaridorning uning kafolatlangan sifatiga ishonch va bahosidir.