Mavzu: shaxsiy himoya vositalari bilan tanishish

Resperator R-2. Respiratorlar nafas a’zolarini radioaktiv va tuproq changlaridan va bakterial aerozollardan himoya qiladi. Hozirgi vaqtda respiratorlardan R-2 va ShB-1 «Lepestok» keng qo’llanilmoqda. R-2 respiratori uch qavatli materialdan tayyorlangan bo’lib, yuqori qavati penopoliuretandan yasalgan. Respirator himoyalovchi rangga bo’yaalgan bo’ladi, ichki qavati polimer polietilen plenka bilan o’raladi. Havo o’tkazish uchun ikkita nafas oluvchi klapan o’rnatilgan, penopoliuretan va polietilen plenka orasiga filtrlovchi polimer tolalaridan to’qilgan material qo’yiladi. Respiratorning yuqori qismida yarim niqobni kishi yuziga jipslashtirib joylashtirish uchun burun qisqich o’rnatilgan. Respirator yana boshga mahkamlash uchun egilunchan ikkita rezina tasma bilan jihozlangan.
Nafas olgan vaqtda havo respirator bilan filtrning butun sirtidan aylanib o’tib changdan tozalanadi va nafas olish klapanlari orqali nafas olish a’zolariga yetib keladi. Nafas chiqarilgan vaqtda havo tashqariga nafas chiqaruvchi klapan qopqog’i orqali chiqib ketadi. R-2 respirator uch xil o’lchovda 1, 2, 3, tanyorlanadi. O’lchovlar yarim niqobning iyakka taqiladigan ichki qismiga yozib qo’yilgan bo’ladi. Shuni esda tutish kerakki, respirator nafas uchun olinadigan havoni kislorod bilan boyitmaydi va zaharli moddalarning gazlari hamda bug’laridan himoya qilmaydi.ShB-1, Lepestok respiratori maxsus yuqori filtrlash xususiyatiga ega bo’lgan materialdan tayyorlangan. Respirator ishlatib bo’lingandan so’ng uni dezaktivasiya qilish kerak. Buning uchun yarim niqobning tashqi qismini urib changi chiqarib tashlanadi yoki bo’lmasa cho’tka yordamida changdan tozalanadi, yarim niqobning ichki tomonidagi yuzasi nam latta bilan artiladi va quritiladi. Quritilgan respirator maxsus polietilen xaltada saqlanadi.
Ko’zni himoyalovchi individual vositalar yadro zaryadi portlashi natijasida paydo bo’lgan yoruglik nuridan saqlash, kuyishdan va ko’zni kuchli yoruglik ta’sirida paydo bo’ladigan vaqtanchalik ko’rlik holatini kamaytirish uchun ishlatiladi. Buning uchun ko’zni himoyalovchi ko’zoynaklar (OPF, ShM-624, MPG, PPM-88 va OFlar) dan foydalaniladi. Himoyalovchi ko’zoynaklar bir-biridan tuzilishi bo’yicha hech qanday farq qilmaydi, ammo ular yoruglik filtridagi fotoxrom materiallarning xususiyati bilan farq kiladi. Yorug’lik nurlanishidan hosil bo’lgan yorug’lik impulslari fotoxrom va infra-qizil yorug’lik filtrlari yordamida yutiladi.
Himoyalovchi ko’zoynaklarni ishlatishda ehtiyot bo’lish kerak, agar zaharlovchi moddalar, radioaktiv moddalar va bakterial vositalar qo’llanilgan joylarda bo’lganda, u yerdan chiqqandan so’ng ko’zoynaklarga maxsus ishlov beriladi, shundan keyin g’ilofga solib qo’yiladi.
Matoli niqoblar – nafas organlarini saqlovchi vositalarning oddiy uslubi sanalib, u radioaktiv moddalardan, biologik tumanlardan saqlovchi vosita hisoblanadi. Lekin bu vosita zaxarli moddalardan saqlaylomaydi. Bunday vositalar zich tukilagan matolardan har bir fuqaro o’zi tayyorlashi mumkin va uning rusumi MM-1 deb ataladi. Yana nafas organlarini saqlovchi oddiy vositalar qatoriga paxta dokali taqkichlar ham kiradi. Resperator R-2 uch xil o’lchamda chiqarilib, uning o’lchami yuz balandligni o’lchash orqali aniqlanadi: 1) 1-o’lcham 99-109 mm, 2) 2-o’lcham 109-119 mm; 3) 3-o’lcham 119dan katta.