Mavzu: shaxs va deviant xulq-atvor sotsiologiyasi

3.Asosiy qism.

1-mashq.“Mening kuchli tomonlarim”

Maqsad:Ishtirokchi o‘zining kuchli tomonlarini aniqlashi; o‘zi haqida ijobiy fikrlashni uddalashni faollashtirish.

Mashqni o‘tkazish vaqti: 15 daqiqa.

Bajariladigan ish tartibi. Trener: qiyin vaziyatlarda uddasidan chiqishga yordam beradigan o‘z shaxsining 3-5 ta kuchli tomonini aytishni so‘raydi.

Har bir ishtirokchi doira bo‘ylab “o‘zining kuchli tomonlarini” aytadi, boshqa ishtirokchilar esa “Sen yana.... qila olasan (qo‘lingdan keladi)” deb qo‘shib, uni qo‘llab quvvatlaydi.

2-mashq. “Sehrli qopcha”

Maqsad:Ishtirokchilarning tasavvurini kengaytirish, muammolarini gapirtirishga sharoit yaratish.

Mashqni o‘tkazish vaqti: 20 daqiqa.

Bajariladigan ish tartibi. Trener qo‘lida ushlab turgan qop oddiy qop emas sehrli qopcha ekanligini alohida ta’kidlab ushbu qopchada turli predmetlar solinganligini, predmetlar ham sehrli ekanligini har bir ishtirokchi qopchaga qaramasdan bittadan predmetni olishi kerakligini aytadi.

Har bir ishtirokchi sehrli qopchadan bittadan sehrli predmetni ajratib oladi va shu predmetga qarab nima muammolari bo‘lsa hal bo‘lishini, maqsad va niyatlarini amalga oshishini so‘rab o‘z fikrini bildiradi.