Мавзу: шахснинг психологик барқарорлиги режа

Хулқ атвор ва фаолият :

• 
  Хулқ атвор ва фаолиятда фаоллик;
  
• 
  Қийинчиликларни енгиб ўтишда самарали усулларини қўллаш.
  

Психик барқарорлик таркибий қисмлари:

1. 
   Ички низолар (қадриятли, мотивацион, ролли) ни ўз вақтида ва адекват ҳал қилиш билан ўз-ўзини такомиллаштиришга бўлган қобилият.
   
2. 
   Яхши кайфият ва эмоционал фоннинг нисбатан
   

барқарорлиги.

3. 
   Иродавий регуляцияни ривожланганлиги.
   

Психологик барқарорликни ички (шахс) ва ташқи (шахслараро, ижтимоий қўллаб-қувватлаш) ресурслари таъминлаб туради.

ТОБЕ ХУЛҚ БАРҚАРОРЛИКНИ ПАСАЙИШИ ОҚИБАТИ СИФАТИДА
Психологик барқарорликнинг сусайиши тобеликни юзага келиш эҳтимолини оширади. Психологик тобеликнинг 3 та турини фарқлаш мумкин:

1. 
   Кимёвий тобелик.
   
2. 
   Акцентуацияланган, бир томонга йўналтирилган фаоллик.
   
3. 
   Интеракцион тобелик.
   

Кимёвий тобелик – бу алкогол ичимликларни ичишга мойиллик, психоактив моддалар, наркотикларга ружу қўйиш. Бунда шахс реал воқеликдан чалғиб, эйфория ҳолатига тушиб қолади. Бу ҳолатда инсон соғлом ҳолатида амалга оширолмайдиган хулқ-атворни намоён қилади, яъни ўзини назорат қилиш ҳолатида қила олмайдиган ишларини бажаради (масалан, мулоқотга киришиш, сўкиниш, жанжал кўтариш).
Алкогол релаксация таъсирини кўрсатади. Бош мия ярим шарларидаги қўзғалишни сусайтириб, хавфни, қўрқувни ўзидан қониқмасликни, айбни, уятни эмоционал дискомфорт ҳолатини ҳис қилмайди.
Бир ёқлама фаоллик (Акцентуацияланган) – бу ишга, турли ўйинлар ўйнашга мойиллик бўлиб, бошқа фаоллик турларини “гўёки” компенсация қилиш учун амалга оширилади.
Фаолликка берилиш – бу эҳтирослилик. “Меҳнаткашлик” (трудоголиклар) нинг мотивлари турлича бўлиши мумкин. Масалан, баъзилар ижтимоий мавқени ошириш учун, кимдир моддий маблағ орттириш учун ўз ишига шўнғиб кетиб, меҳнат қилади.
Интеракцион тобелик. Ижтимоий гуруҳга мансублик ҳиссининг мавжуд эмаслиги ушбу турдаги тобеликка сабаб бўлиши мумкин. Бошқалар томонидан тан олинмаслик, етарлича авторитетга, гуруҳда ўз мавқеига эга бўлмаслик интеракцион тобеликка олиб келиши мумкин.