Mavzu: Shahar bog‘lari va istirohat bog‘larini muxandislik tarmoqlari bilan ta’minlash bo‘yicha mashqlar bajarish

Mavzu: Shahar bog‘lari va istirohat bog‘larini muxandislik tarmoqlari bilan ta’minlash bo‘yicha mashqlar bajarish.
1.1 Ichimlik suvi bo’yicha ishlar hajmi.
Suv ta’minoti va suvlarni olib ketish. Shaharlar va boshqa aholi joylarida suv ta’minoti iste’molchilarning tarkibi va bosimi, suv ta’minoti manba’alarining borligi va joylashuviga qarab loyihalanadi. Aholi yashovchi va sanoat hududlarining birlashgan suv ta’minoti tizimida bir xil manba’alar, suv olish joylari, nasos stantsiyalari, suv yo’naltirgichlar va tozalash inshootlaridan foydalaniladi.
Bunday tizim sanoatning texnologik ehtiyojlari uchun asosan sifatli ichimlik suvi talab qilinganda va uning sarfi ko’p bo’lmaganda maqsadga muvofiqdir. Alohida tizimda suv olish joylari, nasos stantsiyalari, suv yo’naltirgichlar va tozalash inshootlari aholi yashovchi va sanoat hududlari uchun alohida-alohida quriladi. Bunday tizim texnik suvning sarfi anachagina bo’lganda yoki sanoat korxonalarining suv ta’minoti manbaiga juda yaqin joylashganida ratsional hisoblanadi.
Aholi yashovchi va sanoat hududlarini yarim alohida suv ta’minoti tizimida suv olish joylari va suv yo’naltirgichlar umumiy, tozalash inshootlari va tarmoqlari esa alohidadir. Suv ta’minoti tizimlari nafaqat alohida aholi joylari uchun, balki shaharlar va aholi joylari guruhlari uchun ham tuziladi.
Xo’jalik va ichimlik suv ta’minoti uchun foydalaniladigan er osti suvlarining suv olish joylari kerakli sanitar-gigienik sharoitlarga ega bo’lgan va albatta sanoat va aholi yashaydigan hududlardan tashqarida joylashmog’i lozim. Xuddi shu maqsadda foydalaniladigan er usti suvlarining suv olish joylari, sanoat va aholi yashaydigan hududlardan daryo yoki kanal oqimi bo’yicha yuqorida joylashmog’i kerak. Barcha suv ta’minoti manbalari sanitar-himoya qismlariga ega bo’lmoqlari lozim.
Shaharlar va boshqa aholi joylari hududlaridan oqava suvlarni olib ketish xo’jalik-maishiy va sanoat oqavalari hamda atmosfera yog’in suvlari uchun

loyihalanmog’i kerak.

Xo’jalik-maishiy va sanoat oqavalari hamda atmosfera yog’in suvlarini olib ketish alohida, umumiy va yarim alohida kanalizatsiya tizimida bajaralishi mumkin.