Мавзу: саноат маҳсулоти, унинг сифати ва рақобатбардошлиги

МАВЗУ: САНОАТ МАҲСУЛОТИ, УНИНГ СИФАТИ ВА РАҚОБАТБАРДОШЛИГИ

14.1-мавзу.Саноат маҳсулотининг сифати ва уни ошириш зарурияти

Режа:

1.Саноат маҳсулотлари

2. Сифат тушунчаси ва сифатни ошириш зарурияти

3. Маҳсулотнинг сифат кўрсаткичлари ва уларни баҳолаш усуллари

2. Тавсия этилган адабиётлар рўйхати

1. Ўзбекистон Республикаси Конституцияси.-Т.: Ўзбекистон, 2014.

2. Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси. //Халқ сўзи, 25 январь 2020 йил

3. Грузинов В.П. Экономика предприятия. Учебник. 2-издание.– М.: ЮНИТИ-ДАНА, 2008.

4. Korxona iqtisodiyoti. Darslik. –T.: “Fan va texnologiya”, 2013.

5. Махмудов Э.Х., Исаков М.Ю. Корхона иқтисодиёти (маърузалар матни). - Т.: ТДИУ, 2010.

6. Ortiqov A. Sanoat iqtisodiyoti. Darslik. -T.: “Sano-standart”, 2014.

Моддий ва номоддий неъматлар ишлаб чиқариш зарурияти

Кишилик жамияти тараққиётининг негизи ─ моддий ва номоддий неъматлар ишлаб чиқариш ҳисобланади. Моддий ва номоддий неъматлар жамият ҳаёти ва тараққиёти учун зурур бўлган асосий шартдир.

Ишлаб чиқариш жараёнида инсон билан табиат ўртасида ўзаро ҳаракат рўй беради. Бу ҳаракат мобайнида инсон табиат буюмларини ўзгартиради ва ўз эҳтиёжларини қондириш учун мослаштиради.

Ишлаб чиқариш жараёни рўй бериши учун капитал, ишлаб чиқариш воситалари ва одам меҳнати зарур. Шунингдек, корхоналарнинг барқарор фаолият юритишларида иш юритувчиларда тадбиркорлик қобилиятининг бўлиши ҳам муҳимдир.

Саноат ишлаб чиқариши ижтимоий тавсифга эга

Саноат корхоналарида асосан моддий неъматлар ишлаб чиқарилади. Моддий неъматлар инсонлар ҳамда хўжалик юритувчи субъектлар талаб-эҳтиёжини қондириш учун қилинадиган меҳнатнинг йиғиндисидир. Ишлаб чиқариш ижтимоий тавсифга эга.

Саноат ишлаб чиқаришини икки бўлимга ажратиш мумкин:

• ишлаб чиқариш воситаларини ишлаб чиқариш;
• истеъмол буюмларини ишлаб чиқариш.