Мавзу: Реконструкция – шаҳарларни ривожлантириш шакли

Шаҳарларни реконструкциялашнинг мақсад ва вазифалари
Шаҳарларни реконструкциялашдан асосий мақсад уни аҳолининг шаҳарга бўлган ўзгариб борувчи, шаҳар аҳолиси ҳаётининг маиший ва дам олишини, хизмат кўрсатиш тизимини яхшилаш ва қурилиш сифатини кўтариш бўйича талабларини қондиришдир.
Реконструкция жараёни уч аспектда намоён бўлади:

1. 
   Функционал-режавий – шаҳардаги жараёнларнинг боғловчи тавсифларини ва шиддатини: шаҳар ҳудудини ўзлаштириш тури ва шиддати бўйича минтақалаш, минтақалар ва районлараро ўрнатилган функционал алоқалар асосида ҳудудларни районлштиришни белгиловчи масалалар ечилади.
   
2. 
   Иқтисодий – атроф муҳитнинг холати ошириш қандайлигини, уни муҳофаза қилиш, яхшилаш ва ўзгартириш билан боғлиқ.
   
3. 
   Меъморий – эстетик – шаҳар шаҳарсозлик композицияси ва меъморий кўринишини равнақи, унинг асосий тарихий таркиб топган элементлар ривожлантириш асосида ўзига хослигини сақлаб қолишга йўналтирилган. Қурилиш панорамаси архитектура хотираси тарихига, фондли қурилишга фаол равишда қўшилади.
   

Реконструкциялашда белгиланган мақсадга эришиш учун аввалдан аниқ, равшан қилиб аниқланган вазифалар комплексини тўлиқ амалга ошириш талаб этилади.


2. Шаҳар реконструкцияси турлари

Замонавий шаҳарнинг тараққиёти урбанизация фоизи билан белгиланади.

Урбанизациянинг хусусияти, инсоннинг ҳар-хил фаолиятини таъминловчи сунъий материал фазовий муҳит сифатида, шаҳарга жамият талаблари ўзгаришининг асосий сабаби, шаҳарда фаолиятнинг ҳар хил турларини бирлаштиришдир.
Шаҳар: турар-жой районларида, ишлаб-чиқариш жамоат мажмуаларига, дам олиш минтақаларига, транспорт, мухандислик коммуникацияларига бўлинади. Шаҳар бетўхтов тараққий этади. Бу тараққиёт аҳоли сонини ўзгаришида, ўзлаштирилган ҳудудлардан фойдаланишнинг шакли, ўлчами, шиддатида кўринади.
Шаҳарларнинг фазовий муҳитини ўзгариб бориши, уларнинг равнақи ва реконструкцияси – бу ижтимоий ва иқтисодий талабларидаги номувофиқликни доимий келиб чиқишига хизмат қилувчи ички қарама – қаршиликларининг ўсишидир.
Шаҳар реконструкцияси – бу қаршиликларни ечилишининг ҳаққоний узоқ давом этувчи, шаҳарларнинг йўлга қўйилган таркибини ҳамда унинг айрим элементларини мукаммаллаштириш, мақсадга мувофиқ ўсишини таъминлашдир. Бу жараён ижтимоий ва илмий-техника прогрессига мувофиқ бутун моддий ҳаётий муҳитини муттасил ўзгартириш билан боғланган.
Замонавий шаҳарсозликда реконструкциянинг икки асосий турини ажратиш мумкин:
-бутун шаҳарнинг режавий таркибини реконструкциялаш;
-шаҳарнинг айрим тарихан таркиб топган районлари, ҳудудлари ва элементларини реконструкциялаш.