Mavzu: Qurilishni boshqarishni zamonaviy tizimi Bajardi: Eshpo’latov. M tekshirdi: O’rinboyev. S

Oʼzbekiston Respublikasi Iqtisodiyot vazirligi, Moliya vazirligi hamda Davlat arxitektura va qurilish qoʼmitasining mazkur qoʼmita tarkibida:  Iqtisodiyot va qurilishni tashkil etish, yangi texnologiyalar ilmiy-tadqiqot instituti negizida Kapital qurilishda iqtisodiy islohotlar va narxlarni shakllantirish markazini tashkil etish;  Pudrat savdolarini (tenderlarni) tashkil etish respublika boshqarmasi hamda Oʼzbekiston Respublikasi Davlat arxitektura va qurilish qoʼmitasi Davlat idoradan tashqari ekspertiza bosh boshqarmasining kapital qurilishda narxlarni shakllantirish mintaqaviy markazlari negizida qurilishda tanlov savdolari va narxlarni shakllantirish hududiy konsalting markazlari tashkil etish;  Davlat arxitektura-qurilish nazorati bosh boshqarmasining Standartlashtirish va sertifikatlash boshqarmasi negizida xoʼjalik hisobidagi qurilishda standartlashti rish va sertifikatlash respublika markazini tashkil etish topshiriladi.

Davlat ekspertizasi hududiy boshqarmalari, davlat arxitektura-qurilish nazorati inspektsiyalari, qurilishda tanlov savdolari va narxlarni shakllantirish hududiy konsalting markazlarining namunaviy tuzilmalari shuningdek ular toʼgʼrisidagi namunaviy nizomlar maʼqullangan. Oʼzbekiston Respublikasi Davlat arxitektura va qurilish qoʼmitasi faoliyatini joriy moliyalashtirish davlat byudjeti mablagʼlari va byudjetdan tashqari manbalar, shu jumladan davlat ekspertizasi hududiy boshqarmalari, davlat arxitektura-qurilish nazorati inspektsiyalari hamda qurilishda tanlov savdolari va narxlarni shakllantirish hududiy konsalting markazlari daromadlaridan 10 foiz ajratmalar hisobiga amalga oshiriladi. Qoraqalpogʼiston Respublikasi Vazirlar Kengashi, viloyatlar va Toshkent shahar hokimliklari, Oʼzbekiston Respublikasi Davlat arxitektura va qurilish qoʼmitasi bilan birgalikda qurilishda tanlov savdolari va narxlarni shakllantirish hududiy konsalting markazlarini yuklangan vazifalarni bajarish, shu jumladan narxlarni shakllantirish masalalari boʼyicha kerakli materiallar va axborotlar taqdim etish uchun zarur shart-sharoitlar bilan taʼminlab boradilar. Ushbu Qarorda investitsiya loyihalarining hujjatlarini ishlab chiqish, ekspertizadan oʼtkazish va tasdiqlash tartibi toʼgʼrisidagi Nizom tasdiqlangan.