Mavzu: Qardosh xalqlar cholg'ulari bilan tanishtirish Bajardi­­­­­­­­­­­ Tekshirdi

O’zbek xalq cholg’u asboblari

XX-nchi asrning ikkinchi yarmisida o‘zbek kompozitorlarining diqqat e’tiborlari ommaviy janrlar: xor jamoasi uchun asarlar, kichik kamer orkestri va xalq cholg‘u asboblari orkestri uchun asarlar yaratishga qaratilgan edi. 1937-1938 yillardan boshlab o‘zbek davlat filarmoniyasi qoshida o‘zbek xalq cholg‘u asboblari orkestri tashkil etilgan. Keyinchalik shu xildagi orkestr O‘zbekiston radiokomiteti qoshida ham tashkil bo‘ladi. Yillar davomida xalq cholg‘u asboblari asta-sekinlik bilan takomillashtirishga (rekonstruirovaniyu) kirishib o‘zbek xalq cholg‘u asboblari orasida dutor-bas, rubob-prima, g‘ijjak-bas kabi Yangi xildagi asboblar kiritiladi. Bu o‘zgarishlar maxsus laboratoriyalarda o‘tkazilar edi. Lekin o‘zbek xalqcholg‘u asboblari orkestri asosida milliy o‘zbek musiqa asboblari turar edi. Orkestrning tashkil bo‘lgan yillarida G.Sabitov «Totorcha syuita», F.Nazarov «Yoshlar syuitasi», S.Boboyev «Bayram uvertyurasi», V.Knyazev «Orkestr va qashqar rubob uchun konsert», G‘.Qodirov «O‘zbek xalq temalarida syuita», B.Giyenko «Ukraincha syuita», «Pomircha syuita»-larni ijod qilib keng tinglovchilar diqqatiga havola etdilar. 60-yillar davomida orkestr repertuari ancha ko‘payib asarlar mavzulari ham kengayadi. Bular S.Varelasning «Hamza poemasi», P.Xalikovning-simfoniyettasi, B.Zeydmanning «Qahramonlik poema»-lari bo‘lgan. O‘zbek xalq cholg‘u asboblari orkestri jahon klassik musiqa asarlarini ham ijro etib o‘z san’atlarini Giyenkaning «Vals fantaziyasi»,M.I.Glinkaning «Kamarinskaya», «Ruslan va Lyudmila» operasidan raqslar, J.Bizening «Karmen» operasidan uvertyurasini, «Arlezianka» syuitasini va boshqa xalqlar kompozitorlarining asarlarini ijro etib baynalminal aloqalarini mustahkamlaganlar.    Keyingi yillarda shu xildagi o‘zbek xalq cholg‘u asboblari orkestri O‘zbekiston viloyatlaridagi ko‘pgina musiqa maktablarida, bilim yurtlarda, san’at saroylari qoshida tashkil etilib bu jamoalar o‘z konsert faoliyatlarini davom etib kelmoqdalar. O‘zbekiston radiosi qoshidagi o‘zbek xalq cholg‘u aboblari orkestri tashkil qilinishidan boshlab unga ko‘zga ko‘ringan san’atkor, ustoz Yunus Rajabiy rahbarlik qilganlar, lekin 1960 yilda O‘zbekiston radiosi qoshida maqomchilar ansambli tashkil bo‘lganda Yu.Rajabiy unga badiiy rahbar bo‘lib cholg‘u orkestrida qobiliyatli kompozitor, ajoyib sozanda shu orkestrda ishlab kelgan Doni Zokirov rahbarlik qiladi. Doni Zokirov-o‘zbek xalq og‘zaki ijodiyotini yaxshi bilgan, qardosh xalqlar musiqalari bilan qiziqgan san’atkordir. U kishi o‘zbek xalq kuy va qo‘shiqlarini orkestrlashtirib cholg‘u orkestr mohiyatini oshirgandi. Zokirov talqinida o‘zbek xalq kuylaridan «Yovvoi ushshoq»-ni orkestr va yakka nay ijrosida qayta ishlagani ko‘p tinglovchilar diqqatini o‘ziga jalb etgan. Shu bilan bir qatorda «Jazoir» pesasi ham o‘zining jarangli, jo‘shqin kuylari bilan orkestr dasturidan mustahkam joy oldi.  Doni Zokirovning ehtiyotkorlik bilan xalq kuy va qo‘shiqlariga murojaat etishi «Navo» nomli syuitasida aniq va ravshan nazarga tashlanadi. Undagi «Navo», «Savti Navo» va «Uffori Navo» kuylari orkestr jo‘rligida milliy o‘zbek nolalarini mohirlik bilan musiqa asboblarida talqin topishi kompozitorning xalq ijodiyotini yaxshi bilganligidan darak beradi.  O‘zbek xalq cholg‘u asboblari orkestri uchun asarlar yaratish, xalq durdonalaridan unumli foydalanish maqsadi ko‘zga ko‘ringan bastakor Faxriddin Sodiqov ijodiyotida ham nazarda tashlanadi. Uning «Qorabair» nomli musiqiy pesasida otlarning yugurushlari orkestrdagi musiqa asboblarini ustalik bilan ishlatilgani so‘zimiz isboti bo‘la oladi.  Shunday ekan O‘zbekistonda o‘zbek xalq cholg‘u asboblari orkestrining xizmatlari o‘zbek milliy musiqa hayotida muhim o‘rinni egallaydi. Cholg‘u asboblar orkestrining dasturlarida, musiqa asboblarini takomillashtirishda, xalq kuy va qo‘shiqlaridan foydalanishda, milliy nolalar, qochirmalarni ishlatishda va ularni keng ommaga targ‘ibot etish vositalarini mahorat bilan amalga oshirib O‘zbekiston musiqa san’atida bu xizmatlar keng ahamiyatga ega bo‘ldi. X-XII asrlarda Markaziy Osiyoda musiqa san’ati jumladan cholg‘u ijrochiligi ancha rivojlanib, o‘sha davrlarda juda ko‘p musiqa cholg‘ulari musiqa ijrochiligida keng qo‘llanilgan. Bu borada musiqashunos Darvesh Ali Changiy o‘zining musiqiy risolasida – chang, ud, nay, doyra musiqa cholg‘ulari ayniqsa 5 va 6 qo‘sh torli “Ud” musiqa cholg‘usi haqida ma’lumot berib, bu musiqa cholg‘usining o‘sha davrdagi mavqeini va musiqa ijrochiligidagi o‘rnini yuqori baholab, “Ud” barcha musiqa cholg‘ularining podshohidir va “Rud” musiqa cholg‘usi ham kamon vositasida ijro etilganligi haqida ma’lumot beradi. Ma’lumki IX-X asrlarda yashagan buyuk shoir Abu Abdullo Ro‘dakiy o‘z zamonasida “Rud” va “Chang” musiqa cholg‘ularining mohir ijrochisi bo‘lgan. O‘sha davrda yashagan Mahmud Qoshg‘ariyning “Devoni lug‘atit turk” asari yaratilib, bu asarda bir qancha mehnat qo‘shiqlari, qahramonlik qo‘shiqlari, umuman juda ko‘p turli xil qo‘shiqlar o‘z aksini topgan. X asrning buyuk allomasi musiqashunos olim Abu Nasr Forobiy (873-950) musiqa ilmiga katta e’tibor berib, musiqa cholg‘ularining ijrolari, musiqa nazariyasi, “Sharq nota tizimi”ni yaratish va ularni o‘sha davrdagi musiqa ijrochiligiga qo‘llanish masalalari, matematika fanini mukammal o‘rganish bilan birga, matematika fanining bir turi hisoblangan musiqa ilmini o‘rganish va uni targ‘ib etishga o‘zining buyuk hissasini qo‘shgan. Uning “Kitobu-l-musiqiy al kabir (“Musiqa ilmiga oid katta kitob”) asarida turlicha musiqa usullari (zarblari), musiqa cholg‘ularidan ud, tanbur, nay, chang va turlicha musiqiy ovozlar haqida ma’lumot berilgan. (M.M. Xayrullayev. Forobiy. Toshkent. 1963. 176 s.) X asr ashula san’atiga doir ma’lumotlar Yusuf Xos Xojibning “Qutadg‘u bilig” asarida ham o‘z aksini topgan. O‘zbek adabiyotshunos olimi N. Mallayev qadimiy qo‘lyozmalardagi ma’lumotlarga tayanib X-XII asrlarda Markaziy Osiyoda musiqa cholg‘ularidan – tanbur, rubob, kus(qo‘sh) nag‘ora, qubuz, tabl, zurna, nay, chag‘ona, shaypur, surnay, karnay, arg‘unun, qonun kabi hamda zarbli va puflama musiqa cholg‘ulari musiqa ijrochiligida keng qo‘llanilganligi haqida, shuning bilan birga shu davrda “Rost”, “Xusravoniy”, ”Boda”, “Ushshoq”, “Zurafkand”, “Bo‘slik”, “Sipaxon”, “Navo”, “Basta”, “Tarona” va juda ko‘p musiqiy asarlar ijro etilganligi haqida ma’lumot bergan. (N.M. Mallaeyv. O‘zbek adabiyoti tarixi. Toshkent 1965. 94 s).Tibbiyot dunyosining allomasi Abu Ali Ibn Sino (980-1037) ham musiqa ilmiga katta e’tibor bergan. Ba’zi musiqiy risolalarda zikr etilishicha Abu Ali Ibn Sino go‘yo Sulton Mahmud G‘aznaviy, Nosir Xusravlar bilan birgalikda “G‘ijjak” musiqa cholg‘usini ixtiro qilganligi haqida ma’lumot berilgan (Askarali Radjabov. “Nag‘mai Niyogon”. Dushanbe. Adib. 1998. 194 s.) X asrda yashagan Muhammad Ibn Muso al Xorazmiy ham musiqa ilmiga katta e’tibor bergan. Shunday qilib XII asrlarga kelib Foroboy va Ibn Sinolarning musiqa nazariyasi asosida Xorazmlik olim Ar-Roziy hamda Ash Sheroziy, Urmaviy, Amuliy va boshqa olimlar ham musiqa ilmi bilan shug‘ullanganlar. XIV-XVI asrlarda asosan madaniyat va san’at sohasida katta o‘zgarishlar sodir bo‘ldi. Ulug‘bek davrida ayniqsa Movarounnahr madaniyati ancha yuksaldi. Ulug‘bek Samarqand va Hirotda mashhur buyuk allomalar, olimlar, yozuvchilar, san’atkorlar doirasida xususan o‘sha davrda Sharqda mashhur Muhammad Xorazmiy, Qozizoda Rumiy, G‘iyosiddin bin Mab’udiy, Ali Qushchi va boshqalar bilan birga ijod qildi. Abdurauf Fitrat Ulig‘bek zamonasida Samarqandda yashab ijod etgan musiqa ilmining namoyondalari haqida ma’lumotlar beradi. Samarqandlik Darvesh Ahmad Qonuniy, Sulton Ahmad Noiy musiqa risolasining muallifi Qorako‘llik Hisoriy, Xorazmlik Abu Vafo, musiqashunos Sohib Balxiy, Shahrisabzlik bastakor Abdul Baraka, Navoiyning muallimi mashhur sozanda Xo‘ja Yusuf Burxon, Navoiyning tog‘asi Muhammad G‘aribiylar va hokazolar. Mashhur musiqashunos Hofiz Darvesh Ali Changiy o‘zining “Tuhfat us-surur”(“Shodlik tuhfasi”) asarida Ulug‘bek ham musiqa ilmiga katta e’tibor bergan deydi. (A.Fitrat. O‘zbek klassik musiqasi va uning tarixi. Samarqand- Toshkent. 1927 yil 58 s.). Umuman Alisher Navoiy Hirotda adabiyot, san’at va madaniyatni yuqori darajaga ko‘tarilishiga o‘z hissasini qo‘shdi. Ayniqsa musiqa madaniyatining rivojida yangi kuylar, qo‘shiqlar, musiqiy risolalar yozildi va bastakorlar, hofizlar yetishib chiqdi. Navoiyning iltimosiga binoan Abdurahmon Jomiy “Risolaiy musiqiy” asarini yozdi. Zaynylobiddin al Husayniy “Qonuni ilmi va amaliyi musiqiy” (“Musiqa ilmining amaliy va nazariy qonunlari.”) nomli musiqa risolasini yozib, uni Navoiyga bag‘ishladi. Abdulqodir Marog‘iyning “Maqosid ul alhon” risolasi yozildi. Navoiy o‘zining “Majolisun-Nafois” asarida musiqa ilmi bilan ijod qilgan shoirlarni nomlarini tilga oladi. Abdulla Vafoiy Xorazmiy, Jomiyning jiyani movlono Muhammad hamda Xoja Abdullo musiqa sohasida ham ijod qilganligi, shu bilan birga Navoiy o‘z zamonasining buyuk sozanda bastakori Xoja Yusuf Burxonni eslab, bu zot musiqa ilmi bo‘yicha Navoiyning ustozi ekanligi haqida ma’lumot beradi. (Alisher Navoiy. Tanlangan asarlar. Jild III. 1948y. 13-112 s.) XIV va XV asrlarda ilm fan, madaniyat va san’at sohasida faqat Samarqand va Hirotda emas balki bu davrda Farg‘ona, Toshkent, Buxoro, Kesh, Xiva kabi Movarounnahrning boshqa joylarida ham san’atning barcha sohalari kabi musiqa san’ati ham taraqqiy etdi. O‘sha davrda Farg‘ona hukmdori Umarshayx (Boburning otasi) o‘z poytaxtiga ko‘pgina madaniyat va san’at namoyondalarini to‘plashga harakat qiladi. “Boburnoma” asarida Bobur osha davrdagi Andijon madaniyatining ravnaqi haqida gapirib, ushbu diyor musiqa namoyondalaridan Xo‘ja Yusufni, Vosifiy esa Toshkentlik bastakor, sozanda shoh Husayn haqida ma’lumot beradi. (Boburnoma. Toshkent. 1958. 12.s.). Shunday qilib Markaziy Osiyo xalqlari, jumladan o‘zbek xalqi XIV-XVI asarlarda ilm-fan, madaniyat, san’at, musiqa, naqqoshlik, xattotlik va boshqa sohada katta muvaffaqiyatlarga erishdi. XV asr musiqa ilmi namoyondalaridan biri Najmiddin Kavkabiy bo‘lib, Darvesh Ali Changiyning hikoya qilishicha Kavkabiy Hirotda tahsil ko‘rgan bo‘lib, uni Ubaydulloxon tomonidan Hirotdan Buxoroga olib kelinganligi va Kavkabiy bu yerda o‘zining musiqa maktabini yaratib, Xo‘ja Muhammad, Rizo Samarqandiy, Xo‘ja Hasan Nisoriy, Hasan Kavkabiy, Boqi Jarroh kabi musiqashunoslarni tayyorlab, o‘zining musiqa sohasidagi buyuk musiqa risolasi “Risolaiy musiqiy” ya’niy “Risola dar bayoni duvozdah maqom” asarini yaratdi. XVI asrga kelib, madaniyat, san’at jumladan musiqa san’ati ham tushkunlikka tushdi. Urushlar kuchayib ketdi. Natijada 1716 yilda Farg‘onada O‘zbeklar urug‘idan hisoblangan Shohruxbiy Qo‘qonni Buxorodan ajratib Qo‘qon xonligini barpo etdi. Keyinchalik Turkiston XVII asrlardan boshlab Buxoro, Qo‘qon, Xorazm xonligiga bo‘linib ketdi. Ma’lumki Markaziy Osiyo xalqlari juda ko‘p tarixiy voqeyalarni boshidan kechirib, har bir davrda barcha fanlar qatori musiqa ilmi ham goh rivojlanib, goh tushkunlikka uchrab musiqa cholg‘ulari ijrosi, sozanda va xonandalar, musiqashunoslar turli xil holatda yashab ijod etishdi. Yuqoridagi Markaziy Osiyo hududidagi mavjud musiqa cholg‘ulari turli xil jarayonlarni boshidan kechirib, ko‘pgina musiqa cholg‘ulari, urushlar jarayonida boshqa davlatlardan keltirilib, ba’zan boshqa xorijiy davlatlarga olib ketilib turli xil holatlarda musiqa ijrochiligida qo‘llanilgan. Umuman Markaziy Osiyo madaniyati butun Sharq madaniyati rivojiga katta hissa qo‘shdi. VII asrlardan boshlab Markaziy Osiyo musiqa san’ati shu darajada rivojlanganligidan ham tarixda Borbad Marvaziy nomli turkistonlik bastakor, hofiz, sozandaning nomi zikr etilgan. U VII asrlarda Faxlobod (Borbad) nomi bilan mashhur bo‘lib uni Eronga olib ketishgan. Faxlobod o‘zining musiqa maktabini yaratib, o‘n ikki maqomni ba’zi bir nusxalarini yaratilishiga asos solgan, yani Turkiston musiqasini Eronga tarqatgan. (“Ma’rif va madaniyat”) jurnali. Baku. 1923 y. N 8. 9 s.).Har bir asr, davrda milliy musiqa ijrochiligida qandaydir musiqa cholg‘usi asosiy yetakchi o‘rin egallagan. Masalan: Sarq xalqlarida jumladan Markaziy Osiyoda VII asrlardan to XVIII asrlargacha musiqa ijrochiligida “O‘n ikki maqom” nomi bilan ataluvchi turkum asarlar ijro etilib, bunda “Ud” cholg‘usi asosiy hisoblangan bo‘lsa, XVIII asrning oxiri XIX asrning boshlanishida Markaziy Osiyoning adabiyot, san’at va madaniyat rivojlangan shaharlaridan biri Buxoroda “On ikki maqom” turkumi o‘rniga “Shashmaqom” shakillanib, buning ijrosida esa “Tanbur” asosiy musiqa cholg‘usi bo‘lgan. Markaziy Osiyo hududidagi - O‘zbekiston, Tojikiston, Qozog‘iston, Qirg‘iziston, Turkmaniston davlatlarida turli-tuman musiqa cholg‘ulari bo‘lib, bu davlatlarda bir xil nom bilan ataluvchi lekin turli xil asarlarning ijrosiga mo‘ljallangan musiqa cholg‘ulari milliy musiqa ijrochiligida keng qo‘llanilmoqda . Ular – Tanbur, dutor, doyra, rubob, surnay, karnay, g‘ijjak, nog‘ora, chang, qobuz va hokazo. Shu qatori ayrim viloyatlarning o‘ziga xos musiqa cholg‘ulari bo‘lgan. Xorazmda- bulamon, garmon, tor, Buxoroda- Afg‘on rubobi, Farg‘ona viloyatida- qo‘shnay, dutor musiqa cholg‘ulari bor. Abdurauf Fitrat o‘zining “O‘zbek klassik musiqasi va uning tarixi” asarida ma’lumot berishicha 1920 yillarda Buxoroda-tanbur, dutor, nay, qo‘shnay, qobuz, doyra, rubob, nog‘ora, karnay, sunray, do‘mbra kabi musiqa cholg‘ulari ijrochilikda qo‘llanilgan. Hozirgi Tojikiston hududi to Afg‘oniston chegarasigacha janubiy Buxoro deb atalgan. Undan tashqari juda ko‘p xorijiy davlatlar bilan chegaradoshdir. Masalan: O‘zbekiston, Qozog‘iston, Qirg‘iziston, Afg‘oniston hamda Xitoy, Hindiston, Pokiston kabi ko‘p davlatlar bilan chegaradosh, ba’zilariga yaqin. Tojikistonning Tog‘li Badaxshon Avtanom viloyatida Pomir rubobi, Badaxshon rubobi, blandzikom va Badaxshon tanburi, Badaxshon setori, Pomir nayi, qumri, do‘mbra, jig‘ak, gaf, labchang, panjtor, duvozdah tor (o‘n ikki torli) va boshqa nom bilan ataluvchi musiqa cholg‘ulari ijrochilikda qo‘llanilmoqda. Tojikistonning Xo‘jand, O‘ratepa, Isfara, Konibodom kabi manzilgohlari Farg‘ona vodiysi bilan chegaradosh bo‘lib, musiqa ijrochiligi ham bir-biriga yaqin. Ko‘lob, Qorategin, Darvoz, G‘arm manzilgohlarida cholg‘u va ashula yo‘li ijrosiga xos musiqiy asarlar ijrolarida ko‘proq dumbra, tablak, jig‘ak (g‘ijjak) kabi musiqa cholg‘ulari qo‘llaniladi. Ayniqsa Markaziy Osiyoning barcha hududlarida dutor, do‘mbira, doyra, g‘ijjak, nay ko‘proq uchraydi. Hozirgi kunda Markaziy Osiyo hududida qadimiy musiqa cholg‘ulari bilan bir qatorda ko‘p ovozlilikka moslashtirilgan (rekonstruksiya) musiqa cholg‘ulari mavjud. Markaziy Osiyoning yirik shaharlaridan Toshkent, Dushanbe, Olma Ota, Samarqand shaharlarida Markaziy Osiyo va Umumjahon miqyosidagi musiqiy anjumanlar o‘tkazilib, milliy musiqa ijrochiligiga xos asarlar, jumladan milliy musiqa cholg‘ularining ijrolari namoish etilmoqda. Qardosh xalqlar musiqasi tadqiqotchisi V.M.Belyayev o’zining "O’zbek xalq cholg’u asboblari" kitobida (Moskva 1933 yil ) o’zbek xalq cholg’ularini rekonstruksiya qilish va takomillashtirish zarurligi muammosini ko’tarib chiqdi. U hozirgi paytda universal nota yozish vositasi sifatida Ovropa nota yozuvi asosida o’zbek musiqa asboblarini standart tuzilishini aniqlanishni taklif etdi. O’zbek halq cholg’ulari xilma-xil bo’lganligi uchun uni takomillashtirish nihoyatda qiyin vazifa edi. Asta-sekinlik bilan an’anaviy cholg’ularning eski namunalari o’rniga zamonaviy ijrochilikning yuksak talablariga javob bera oladigan yangi namunalar paydo bo’la boshladi, va mavjud bo’lgan musiqa asboblarini yanada takomillashtirishga urinishlar bo’ldi. Chang, g’ijjak kabi cholg’ularga qo’shimcha torlar qo’yilgach, bu qo’shimcha torlar ularning ohang doirasini ancha kengaytirdi. Chertma cholg‘u asboblari Dutor — noksimon korpusli, dastasi uzun ikki torli choIg‘u asbobi. Dutorning um um iy uzunligi 1150 mm dan 1200 mm gacha b o ‘ladi. Kosaxonasi alohida egma taxtacha (qovurg‘a) yopishtirib ishlanadi, qopqog‘i yupqa, tekis, ba’zida unda rezonator teshikchalar bo'ladi. Dastasining niqa tomoni lo‘la qilib ishlanadi, yuqorisi ingichka, bo‘g‘izga qarab kengayib horadi. Dastaga 13—14 parda bog‘lanadi. Uchiga ikkita — vertikal va Horizontal quloq o ‘matiladi. Asbobning barcha qismlari tut yog'ochidan iiiyyorlanadi va ko'pincha suyak hamda sadaf bilan bezatiladi. Tori ipak ipclan eshilgan va bir uchi kosaxona ostidagi ilgakka (bo‘rtiqqa), ikkinchi iichi esa quloqlarga bog‘lanadi. Qopqoqda torlar kichkina yog‘och xarak iislidan o ‘tadi. Torlari ko'pincha kvarta (Tanovar sozi)ga, ba’zan unison (Qo'shtor sozi) va kvanta (Munojot sozi)ga sozlanadi. Tovushqator past piirdada xromatik (nim parda), baland pardada esa diatonik bo‘ladi. Cholg‘u (liapazoni bir yarim oktavaga teng. Dutorning uncha baland bo‘lmagan lovushiga o ‘ng qo‘l timoqlari qopqoqqa tegishidan hosil bo‘lgan tovush (sliovqin) qo‘shilib eshitiladi. Dutor — o ‘zbek xalqining eng keng tarqalgan torli cholg'ularidan biri. Dutor — yakkanavoz, qo‘shiqchilarga jo ‘r bo‘luvchi va ansambl cholg'u iisbobi sifatida qo^llaniladi. Unda turli janrga oid qo‘shiqlar, raqs kuylari hamda cholg'u (instrumental) pyesalar, shu jumladan maqomlaming ayrim t)()‘limlari ijro etiladi. Dutor adabiy manbalarda Temuriylar davridan (XIV asr oxiri — XVI iisr boshi) boshlab tilga olingan.
Xulosa

Qardosh xalqlar musiqasi tadqiqotchisi V.M.Belyayev o’zining "O’zbek xalq cholg’u asboblari" kitobida (Moskva 1933 yil ) o’zbek xalq cholg’ularini rekonstruksiya qilish va takomillashtirish zarurligi muammosini ko’tarib chiqdi. U hozirgi paytda universal nota yozish vositasi sifatida Ovropa nota yozuvi asosida o’zbek musiqa asboblarini standart tuzilishini aniqlanishni taklif etdi. O’zbek halq cholg’ulari xilma-xil bo’lganligi uchun uni takomillashtirish nihoyatda qiyin vazifa edi. Asta-sekinlik bilan an’anaviy cholg’ularning eski namunalari o’rniga zamonaviy ijrochilikning yuksak talablariga javob bera oladigan yangi namunalar paydo bo’la boshladi, va mavjud bo’lgan musiqa asboblarini yanada takomillashtirishga urinishlar bo’ldi. Chang, g’ijjak kabi cholg’ularga qo’shimcha torlar qo’yilgach, bu qo’shimcha torlar ularning ohang doirasini ancha kengaytirdi. Halq cholg’u asboblari, ma’lumotlarga qaraganda juda qadim zamonlarda, eramizdan avvalgi XIII ming yillikda paydo bo’lgan, deb taxmin qilinadi. Cholg’ulardan dastlab urma zarbli cholg’ular paydo bo’lgan, chunki eng qadimgi mehnat qo’shiqlari, ovga chiqishlar usul (ritm) tuzilish jihatidan bevosita bir-biriga bog’liq bo’lgan. Keyinchalik shovqinli musiqa asboblari paydo bo’ldi. Ijrochilar qarsak chalib, usul (ritm) ni ta’kidladilar, shovqinli cholg’ular ta’sirini kuchaytirdilar. Keyinroq halq ustalari tomonidan qamish va bambuk poyasidan surnay, hushtak, yana bir oz o’tgach esa nay, naysimon xushtaklar, shiqildoqlar, chiltor (arfa) yasaldi. O’sha paytdagi nay cholg’u asboblari xozirgi zamon zamonaviy ko’p teshikli naylardan bir oz farq qilgan. Vaqt o’tib, ushbu cholg’ular takomillashib, ko’p yillik naylar yuzaga keldi, so’ngra torli-mizrobli va torli-kamonchali musiqa cholg’ulari paydo bo’la boshladi. Ulardan saroy a’yonlarining marosimlarida, harbiy yurishlarida foydalanilgan. Qadimgi Sharq madaniyati quchog’ida o’zbek halq cholg’u asboblari shakllandi. Ular ko’p asrlik taraqqiyot davomida o’ziga xos xususiyatlarini, tovush tusini saqlab qoldi. O’ziga xos tuzilishi tufayli nay, surnay, tanbur, dutor, rubob, g’ijjak, qobizlar an’anaviy shakllarda bizgacha yetib keldi. Eramizdan avvalgi III asr o’rtalarida O’rta Osiyoni G’arbiy viloyatlarida Parfiyon(a), Sharqda esa Grek Baqtriya Davlatlari tashkil topdi. Eramizning I asrida O’rta Osiyoning Janubiy qismida qudratli Ko’shon shohligi tashkil topdi. Mahalliy Kushon sulolasi ostida bir qancha davlatlar birlashdi, buning natijasi ularoq shaharlar yuksaldi, madaniyat gullab yashnadi, yangi-yangi musiqa cholg’ularining yaratilishiga shart-sharoit yuzaga keldi. Quldorlik jamiyati O’rta Osiyo halqlari madaniyati rivojida muhim bosqich bo’ldi. Xalq musiqasi yanada yuksalishi bilan birga, cholg’u asboblar ham takomillashdi.

Asrimizning 30-40-yillarida uyushtirilgan arxeologik ekspedisiyalar (S. L. Tolstov, V. A. Vyatkin, M. V. Masson va boshqalar rahbarligida) natijasida O’rta Osiyo madaniyatini, shu jumladan xalq cholg’ularini o’rganishda qimmatli ma’lumotlarga ega bo’lindi. Topilgan madaniy yodgorliklar: nay rubobsimon cholg’u, hozirgi doiraga o’xshash do’mbra, nog’ora va shu singari cholg’u asboblarini chalayotgan mashshoqlar tasvirlangan. Bular Afrosiyob, Tuproq qal’a, Ayratam kabi shaharlardan topilgan sopol idishlardagi mashshoq haykalchalardir. Ularda turli xil musiqa asboblari: Lyutnya, tanbur, rubobsimon cholg’u, qonun, ud, rud, shemani, (musiqor) chag’ona, chiltor, nay, burg’u, surnay, karnay, doirasimon cholg’ularda mashq qilishlari tasvirlangan. Cholg’ular jo’rligida qo’shiq, o’yin va kuylar xalqning katta-katta marosimlari va oilaviy bayramlarda ijro etilgani bizga ma’lum. Bayramlar ko’pincha yil fasllari bilan bog’liq bo’lgan. O’rta Osiyoda “Navro’z”, “Lola sayli”, “Hosil bayrami”, “Qovun sayli”, “Uzum sayli” kabi mavsumiy bayramlar keng tarqalgan. Bunday ommaviy bayramlarni xalq cholg’u ansambllari xonanda va sozandalar hamda raqqosalarsiz tasavvur qilish qiyin. Bayramlarda, madaniy marosimlarda ayniqsa karnay, surnay, doira, nog’ora va chindavul kabi urma zarbli musiqa asboblari keng qo’llanilgan. Feodalizm davrida arab istilosi O’rta Osiyo xalqlari madaniyati taraqqiyotiga sezilarli ta’sir o’tkazdi. VII-VIII asrlarda arab xalifaligida tirik jonzotni tasvirlashni taqiqlovchi, islom dinini yoyilishi, devoriy sur’atlarni shu jumladan musiqa cholg’ulari tasvirining barham topishiga olib keldi. IX asrga kelib Buxoro yirik madaniy markazga aylandi va ayni paytda yakka navoz, ansambl musiqachiligi va raqsni o’z ichiga olgan vokal-cholg’u musiqa turkumlari rivojlandi. O’rta asr sharoitida musiqiy ixtisoslashuv, maxsus musiqa ustaxonalari paydo bo’lishiga olib keldi. Bu yerda ustoz shogird an’analari qaror topib rivojlandi. Musiqa cholg’u asboblari ham shakllandi. Asboblarning yangi namunalari kashf etildi.