Mavzu. «Pedagogik fanlarni o’qitish metodikasi» fanining predmeti, maqsad va vazifalari. Reja

Ta`limning tizimli bo`lishi tamoyili
O`qituvchi bayon qilayotgan materialning tizimlilik tamoyiliga doimo amal qilgan holda uni amaliyot bilan bog’lab olib borishi zarur. Shuningdek, o’quvchilarga tushuncha, qonunlarni ochib berish bilan birga, ularni hozirgi zamon ilmiy kashfiyotlari bilan ham tanishtirish lozim. Har bir fanni o`rganishda uning barcha tomonlari va bog’lanishlarini hisobga olish kerak.
Bilimning muvaffaqiyatli o`zlashtirilishi o`qituvchidan materialni tizimli ravishda bayon qilishini talab etadi. Tushunchalar o`rtasidagi bog’lanishni tushunish uchun bayon qilinayotgan material muayyan tizimga solinishi kerak. Masalan, o`quvchilar qo`shish amalini o`zlashtirmagan bo`lsalar, ularga ko`paytirish amalini o`rgatib bo`lmaydi. Tushuntirish izchillik bilan olib borilsa, yangi narsani o`zlashtirish oson bo`ladi. Tushuntirilayotgan materialning har bir qismi oldin o`tilganlarga asoslanishi kerak.
Har bir fan o`zining mantiqiga ega bo`lib, buni predmetni tizimli o`qitishda e`tiborga olish kerak. O`qitishning tizimli bo`lishi materialni bilishni va uni esda saqlab qolishni engillashtiradi. Mantiqsiz materialni esda saqlab qolish ancha qiyin bo`ladi. O`quvchilarni ishda tizimlilikka o`rgatish katta tarbiyaviy ahamiyatga ega.
Ta`lim jarayonida tizimlilik, o`qituvchining barcha ishida, ta`lim usuli va usullarida, ya`ni tushuntirishda, hikoya, suhbatlarda, masalalarni echishda, laboratoriya mashg’ulotlarida, yozma ishlarda, kitob bilan ishlashda aks etishi lozim. O`qituvchi o`quvchilarning bilimlarni egallashida, ko`nikma va malakalar hosil qilishida izchillikni ta`minlashi lozim. Ta`limdagi izchillik bilimlarni tizimli suratda takrorlab turishni, faktlarni tushuntirishda, taqqoslashda, masalalarni echish va hokazolarda ilgari o`rganilgan materiallarga asoslanishni ko`zda tutadi. Ilgari o`tilgan materiallarni muayyan tizimda takrorlab turish ilgari o`zlashtirilgan materialni esdan chiqarish ehtimolidan xoli qiladi va bu bilan yanada olg’a ilgarilashni, yangi bilimlar egallashni engillashtiradi.