Mavzu. «Pedagogik fanlarni o’qitish metodikasi» fanining predmeti, maqsad va vazifalari. Reja

Muammolarni echishni tashkil qilish
Muammolarni echishni tashkil qilishda ko`pgina hamkorlikda o`qitish usullaridan qo`shimcha sifatida uyg`unlashtirib foydalanish, masalan, aqliy hujum yoki o`quvchilar tanlagan boshqa usuldan foydalanish mumkin bo`lib, quyidagi bosqichlarni o`z ichiga oladi:
1. Har bir kichik guruh a`zosiga bita raqam yoki rangli yoki biror belgili varaqcha (karta) tarqatiladi. Bunda har bir guruhdagi a`zolarda har xil raqamlar yoki karta bo`lishi ta`minlanishi zarur.
2. Guruhda topshiriqni muhokama qiling.
3. Har bir ishtirokchi javob berish uchun tayyor bo`lishi, o`z guruhi a`zolarining javoblarini yaxshi tushunishi, mohiyatini anglashi, guruhning boshqa a`zolari ko`magisiz javob bera olishi kerak.
4. Har bir guruhdan kimnidir tanlab javob berishini so`rang. Javob beruvchi ishtirokchini uning raqami yoki kartasi asosida chaqiring.


Bir daqiqalik ishlar
Har bir o`quvchidan quyidagi savollarga javob berishni so`rang:
Bugun Siz o`zlashtirgan mavzular orasidan eng muhim va foydalisi qaysi?
Siz bermoqchi bo`lgan qaysi ikki savol hozirgacha noaniq?
Siz nima to`g`risida ko`proq bilimga ega bo`lishni xohlaysiz?
Har bir o`quvchiga bir daqiqadan vaqt ajrating va vaqtni kuzatib boring. Bu ish Sizga ularning diqqatini mazmunga jalb etish va o`qituvchi faoliyatiga baholari sifatidagi qayta axborotni bilish uchun yordam beradi.
Siz bir daqiqalik ishlar usulini kun tahlili sifatida hamda ikkinchi kunning boshlanishida ham ishlatishingiz mumkin.


Juftlik izohlari
O`quvchilar juftlikka bo`linib, bitta maqola matni yoki ayrim qismlari mazmunini o`rganishadi va o`qish yoki fikrlash uchun ikki qismli kundaliklarini bir-birlari bilan almashadi.
Unda o`quvchilar o`xshash fikrlar, g`oyalar va matn mazmuni to`g`risida o`zaro muhokama yuritishadi. O`quvchilar hamkorlikda maqolaning yoki ayrim qismining mazmuni bo`yicha fikrlarni umumlashtiradigan izohlar tayyorlashadi.