Mavzu: O’zmaf hujjatlarini hisobga olish. Arxiv hujjatlarini butlash. Arxivlar va ularning hisobdorligi

Mavzu: O’zMAF hujjatlarini hisobga olish. Arxiv hujjatlarini butlash. Arxivlar va ularning hisobdorligi.

Reja:

1. Markazlashgan davlat xisobi. Xisob dinamikasi. Xisob ishining aniqligini ta’minlash.

2. O‘zbekiston Respublikasi Milliy Arxiv fondi hujjatlarini xisoboti bo‘yicha ishlarni tashkil qilish va ishlash tartibi.

3. Arxiv fondlarini komplektlash va uning prinsiplari.

4. Arxiv hujjatlarini butlash

5. Arxiv hujjatlarni baxolash va yo‘q qilish siyosati xamda amalga oshirish yo‘llari.

6. O‘zbekiston Respublikasi Milliy arxiv fondi hujjatlarini davlat hisobiga olish.

Arxiv hujjatlarini hisobga olish deganda ularni miqdorini aniqlash, bu miqdorni arxivlar va arxiv organlarini hisob hujjatlarida aks etishi tushuniladi.
Hisob yuritish qo‘yidagi tartibda amalga oshadi:
- Arxivdagi hujjatlarning miqdorini hisoblash;
- Arxiv hujjatlarini “ichki” hisob hujjatlaridagi hujjatlar miqdorini, ma’lumotlarni ro`yxatga olish;
- Arxiv hujjatlari asosida markazlashgan davlat hisobi hujjatlarini to‘ldirish;
- Arxiv ishi boshqaruv organlarida markazlashgan davlat hisobi yuritishni yig‘ma hujjatlarini tuzish va uni O‘zarxivga taqdim qilish.
Kiruvchi hujjatlarni hisobga olish kitobi arxivga topshirilayotgan hujjatlarni birlamchi hisobini olish uchun mo‘ljallangan. Uni yordamida hujjatni qachon, qayerdan, qanday xolatda olinganligini bilish mumkin. Kiruvchi hujjatlarni hisobga olish kitobi arxiv fondlarini o‘sish dinamikasini muayyan vaqt davomidagi xolatini to‘g‘ri ochib berishga yordam beradi.
Kiruvchi hujjatlarni ruyxatga olish kitobiga topshirilgan hujjatlar birlamchi yoki ikkilamchi topshirilishidan qat’iy nazar, barcha topshirilgan hujjatlarni tartib bilan kiritiladi.
Kiruvchi hujjatlarni ro`yxatga olish kitobini yuritishda quyidagi xolatlarga e’tibor berish lozim:
Fond saqlovchi-topshiruvchi fond tashkil qiluvchi bilan mos kelmasligi mumkin. U xolda kitobda ularni ikkalasi ko‘rsatiladi.
Fond varag‘i-o‘zining barcha qayta nomlanishlari va arxiv fondidagi raqami, miqdori, xronologik chegaralar, fondagi hujjatlar tarkibi, ro`yxatlar to‘g‘risidagi ma’lumotlarni o‘z ichiga oladi. Bu topshirilayotgan va chiqayotgan hujjatlarni ro`yxatga olish asosida amalga oshiriladi.