Amaliy mashg’ulot №3 energetikada ta’riflar va narxlar. Iste’mol qilingan energiya shakllari bo‘yicha to‘lov miqdorini hisoblash

---

AMALIY MASHG’ULOT №3 
ENERGETIKADA TA’RIFLAR VA NARXLAR. ISTE’MOL QILINGAN 
ENERGIYA SHAKLLARI BO‘YICHA TO‘LOV MIQDORINI 
HISOBLASH.
Reja: 
5.1.Nazariy qism. 
5.2.Mаsаlаlаrni yechish uchun misоllаr. 
5.3.Mustаqil yechish uchun misоllаr. 
Amaliy mashg’ulotning maqsadi: 
Talabalarga iste’mol qilingan energiya 
shakllari bo’yicha to’lovlarni amalga oshirishdagi tariflar va narxlar to’g’risida 
ma’lumot berish. Talabalarda iste’mol qilingan energiya shakllari bo‘yicha to‘lov 
miqdorini hisoblash haqida amaliy va nazariy bilim-ko’nikmalarni hosil qilish. 
5.1.NAZARIY QISM. 
Iste’molchilar bilan elektr energiyasi uchun bir stavkali tarif bo‘yicha hisob-
kitob qilish 
Ma’ruza mashg’ulotidan ma’lum bo’ldiki, tabaqalashtirilgan tarif bo‘yicha 
hisob-kitob qilmaydigan barcha boshqa II, III, IV tarif guruh iste’molchilari elektr 
energiyasi uchun bir stavkali tarif bo‘yicha hisob-kitob qiladi. 
Bir stavkali tarif hisob-kitob davrida iste’mol qilingan har bir kVt/s elektr 
energiyasi uchun to‘lovdan iborat. 
Tarif o‘zgarganda, tarif o‘zgargan sanagacha iste’mol qilingan elektr 
energiyasi hajmi oldingi to‘lov vaqtidan boshlab o‘rtacha sutkalik iste’mol 
bo‘yicha aniqlanadi va unga eski tarif bo‘yicha haq to‘lanadi. Hisobga olish 
asboblarining ko‘rsatkichlari to‘lov kunida yozib olingan deb hisoblanadi.
Tariflar o‘zgargandan keyin iste’mol qilingan elektr energiyasi miqdori uchun 
yangi tarif bo‘yicha haq to‘lanadi. Maishiy iste’molchi o‘z xohishiga ko‘ra, 2 
oydan ko‘p bo‘lmagan muddat uchun elektr energiyasidan foydalanish haqini 
oldindan to‘lab qo‘yishi mumkin va bunda tarif o‘zgarsa ham qiymat qayta hisob-
kitob qilinmaydi. 

---

Arifmetik xatoliklar, tariflarni noto‘g‘ri qo‘llash tufayli paydo bo‘ladigan 
kam va ortiqcha to‘lovlar tegishli tarif bo‘yicha kVt soatlarda qayta hisoblab 
chiqiladi va hududiy elektr tarmoqlari korxonasi tomonidan da’vo muddati 
doirasida ko‘rsatkichlardagi tafovut yoki qo‘shimchalar bilan birgalikda hisobga 
olinadi.