Mavzu: O’zmaf hujjatlarini hisobga olish. Arxiv hujjatlarini butlash. Arxivlar va ularning hisobdorligi

Xar bir arxiv o‘zini usulini ishlab chiqadi, ammo arxivlar tajribasini o‘rganish asosida bir necha tavsiyalar berish mumkin:
Xar bir yig‘ma jildni ko‘rsatgichlar tarkibini kelgusida o‘zgartirmaslik uchun puxta va to‘la ishlab chiqish. Aks xolda yakuniy va yig‘ma hujjatlarni tuzish ishlari bir necha yillarga murakkablashadi.
Xar bir ko‘rsatgich bo‘yicha yig‘ma jadvaldagi xar bir ko‘rsatgich yig‘indisini yil oxirida jamlash kerak (masalan yil davomida o‘tkazilgan ko‘rgazmalar, yil davomida berilgan jildlar soni), yil davomidagi o‘sishni belgilovchi bir qator ko‘rsatgichlar ham mavjud (o‘quv zaliga keluvchilarni mavsumiy farqlanishi). SHu bilan birga arxivda ma’lumotlardan foydalanishni xaqiqiy manzarasini aniqlash uchun 5-10 yil davomidagi yig‘ma ma’lumotlarni keltirish kerak, aksincha barcha statistik ishlar bexuda bo‘ladi; ishonchsizlik uchun vaqtinchalik jadvallardan foydalanish mumkin.
Arxivda ishlatilgan hujjatlarni taxlili juda katta mehnat talab qiladigan ish hisoblanadi, buning uchun kompyuterdan foydalanish va statistik dasturlar hamda elektron jadvallarni o‘zlashtirish kerak.
Arxiv xodimini ishida eng muhim jarayonlardan biri bu turlicha komplektlash manbalaridan arxivga kelayotgan hujjatlarda komplektlash ishlarini o‘tkazish hisoblanadi. Bunday ko‘p ish talab qiladigan ishlar ekspert komissiyasini hujjatlarini tanlashni o‘tkazish va ularni arxiv fondlari bo‘yicha turlarga ajratish, tizimlashtirish ishlari bilan bog‘liq. Hujjatlarni komplektlash nafaqat arxivlarda balki, mutaxassislarni fond tashkil qiluvchi arxivlar joylashgan hududlarga berishini talab qiladi.
Komplektlash-bu arxivni doimo uni profiliga mos hujjatlar bilan to‘ldirib borishdir.
Komplektlash jarayoni arxivga topshirilayotgan hujjatlarni xisobini olishni o‘tkazish bilan uzviy bog‘liq jarayoni xisoblanadi. Shuning uchun talabalar arxivlarda xisob yuritish shaklini, xisob hujjatlarini to‘ldirishni, xisob hujjatlari asosida hujjatlarni ruyxatga olish va arxiv hujjatlaridan foydalanish samaradorligi va intensivligini aniqlay olishi kerak.