Mavzu: O’zbek xalqining etnik shakllanishi. Reja

Уруғ. Жуда қадим замонларда бир ота-онадан тарқалган қон-қариндошларнинг уюшуви натижасида шаклланган жамоа уруғ дейилади.
Қабила. Қабила қон-қардош, тилдош ва диндош бир неча уруғнинг уюшмасидир, шунингдек, бир уруғ табиий равишда купайиб, атрофидаги ўзидан ожиз уруғ ва уруғларни бўйсундириб, ўз таркибига сингдириб юбориши оқибатида қабила тарзида шаклланган ҳам бўлиши мумкин.
Аймоқ. Аймоқ дейилганда бир ҳудудда яшовчи қариндош оилалар тушунилади, уруғ ва аймоқ сўзлари бир хил маънода қўлланилади. “Аймоқ” атамаси қалмоқ, бармоқ, тармоқ, маймоқ каби қадимий туркий сўзлардан бўлиб, бугунги кунда Бурятистон ва Олтой ўлкаларида кичик маъмурий ҳудудлар-туман маъносида ишлатилади. Бу сўз мўғул тилида ҳам бўлиб, нисбатан каттароқ маъмурий-ҳудудий бирликни билдиради.
XV-XVI асрлада Фарғона водийсида, Қашқадарё воҳасида яшаган туркий қабилалардан бири аймоқлар эди. Асрлар ўтиши билан улар ўзбек миллати таркибига сингиб кетишган, фақат кичик бир бўлаги XX аср бошларида ўз номларини сақлаб қолишган.
Элат. Бу атама, энг аввало, қабилалар иттифоқини, кишиларнинг тил, ҳудуд, иқтисодий ва маданий жиҳатидан тарихан таркиб топган бирлигини билдиради. Уни халқнинг миллат бўлиб шаклланишидан олдинги босқичи деб ҳам атайдилар. Элатнинг келиб чиқишига бир-бирига кўп жиҳатдан яқин бир неча қабилаларнинг уюшуви асос бўлган.
Эл. Эл энг қадимги туб туркий сўзлардандир. Аввало бир жойнинг одамлари маъносини билдиради: Хоразм эли, Қашқар эли. Бир қабилага мансуб кишиларга қўлланилади: қипчоқ эли, манғит эли. Эл сўзи миллат, халқ маъноларини ҳам ифодалайди. Юрт, мамлакат маъноларида ҳам қўлланилади. Масалан, қозоқ эли деганда қозоқ халқини ҳам, Қозоғистонни ҳам тушуниш мумкин.
Халқ.
Ушбу атамага фалсафий нуқтаи назаридан ёндашсак, унинг таърифи бундай: тарихнинг ҳамма босқичларида жамият вазифаларини ҳал этишга қодир, юрт юмушига яроқли ва қобилиятли қатлам, ижтимоий бирлик, тарих ижодкори