Mavzu O‘rta Osiyo liboslarini tunikasimon bichimini tadqiq etish va zamonaviy kostyumda qo‘llash mundarija kirish

Dissertatsiya mavzusining asoslanishi va uning dolzarbligi.
Hammamizga ma`lumki, yillar, davrlar o`tishi har bir sohaga o`zining ta`sirini, izini qoldiradi va o`z - o`zidan davrlar o`tishi bilan liboslarda ham katta o`zgarishlar yuzaga keladi. Liboslarning milliy ko`rinishi bora - bora butunlay boshqa ko`rinishga o`zgaradi. O`tmishimizdagi qadimgi milliy an`analarimizni qadriyatlarimizni tiklagan xolda, O`rta Osiyo xalqlari milliy liboslarini targ`ib qilish, tunikasimon bichimlarning qulayligini O`zbekiston mentalitetiga mos ravishda zamonaviy yangicha ko`rinishda ifoda etish.
Tadqiqot ob`ekti va predmeti. Tadqiqot ob`ekti O`rta Osiyo liboslari-ning tunikasimon bichimi, na`munalari, rasmlar, yozma manbaalar va muzey materiallarini o`rganish va tadqiq etish. Tadqiqot predmeti esa o`rganilgan bichimlar asosida zamonaviy libos bichimlarini loyihasini ishlab chiqish.
Tadqiqot maqsadi : Tadqiqot ishini yozilishidan maqsad, yosh avlodga o`zbek xalqining unutilib borayotgan an`anaviy milliy tunikasimon bichimlaridan zamonaviy liboslarni yaratishda o`zbek tilida manbaa taqdim etish.
Tadqiqotning vazifalari :

• 
  Yozma manbaalar asosida O`rta Osiyo liboslarini tunikasimon bichimini tahlil qilish.
  
• 
  O`zbekistonning hududlari bo`yicha milliy kiyim “tunikasimon” bichimlarini tadqiq qilish.
  
• 
  O`rta Osiyo tunikasimon bichimlardan foydalangan holda zamonaviy liboslar loyihasini yaratish.
  

Tadqiqotning ilmiy yangiligi :
O`rta Osiyo hamda O`zbekistonning hududlari bo`yicha tunikasimon bichimli liboslarini tadqiq qilib tizimlashtirish va shu bichimlardan foydalangan holda O`zbekiston mentalitetiga mos kiyimlar assortimen- tini ishlab chiqish.
Tadqiqotda qo`llanilgan metodikaning tavsifi. Tadqiqot muammosiga bag`ishlangan ilmiy - uslubiy manbaalarining tahlili, kuzatuvi.
Tadqiqot natijalarining nazariy va amaliy ahamiyati. Magistrlik dissertatsiyaning bajarilishi O`rta Osiyo milliy liboslarining “Tunikasimon” bichilishini tahlil qilish bilan bog`liq bo`lib, unda o`zbek milliy liboslarining dizayni va konstruktiv yechimlarini o`rganib, zamonaviy liboslar loyihalash va ular asosida yangi namunalarni yaratish mazkur soha tadqiqotlarining kelgusidagi rivojiga ilmiy zamin yaratadi.