Mavzu: O’quvchilarning sinfdan tashqari mashg’ulotlarini tashkil etishda kimyoviy kechalardan foydalanish mundarija

KIRISH
Mavzuning dolzarbligi. Mustaqillik yillarida jamiyatimizning barcha sohalarida bo’lgani kabi ta’lim tizimida ham bir bir qator islohotlar amalga oshirilmoqda. Hozirgi kunda faqat pedagogning mehnati va mahoratiga asoslanib tashkil etiladigan ta’limning yaxshi samara bermasligi hech kimga sir emas. Endi pedagogning asosiy vazifasi o’quvchilarga tayyor bilim berish emas,balki bilimlarni mustaqil egallashlariga ko’maklashishdan iborat. Buning uchun esa o’quvchilarning o’z qobiliyati va imkoniyatlarini to’la-to’kis namoyon etishlari va butun kuch g’ayratlarini bilim olishga sarflanishi uchun imkon beradigan darajada ia’lim-tarbiya jarayonini takomillashtirish zarur.
An’anaviy tarzdagi o’qituvchining faolligi va barcha materialni tushuntirishga harakat qilishi bilan bog’liq bo’lgan darslarning o’rniga o’quvchinig faolligini oshirishga qaratilgan noan’anaviy dars va sinfdan tashqari mashg’ulotlarni tashkil etish hamda o’tkazish hozirgi kunning dolzarb masalalaridan biridir. Endilikda sinflardagi darslar bilan bir qatorda,o’quvchilarni zeriktirib qo’ymaydigan, fikrlashga yo’naltiradigan kimyoga oid har xil turdagi sinfdan tashqari mashg’ulotlardan samarali foydalanish muhim ahamiyat kasb etmoqda.
Mavzuning o’rganilganlik darajasi. Mustaqillikka erishganimizdan so’ng ta’lim tizimida o’qitish ishlarini yaxshilash borasida ko’plab ishlar qilinmoqda. Bu ishlar kimyo fanini o’qitishda ham o’z samarasini bermoqda. Lekin olib borilayotgan ilmiy tadqiqot ishlarining aksariyati umumiy o’rta ta’lim maktablarida kimyo darslarini takomillashtirishga bag’ishlangan.Kimyo o’qitishni sinfdan tashqari mashg’ulotlar asosida takomillashtirish masalalari yaxshi o’rganilmagan.
Kurs ishning maqsadi. Umumiy o’rta ta’lim maktablarida sinfdan tashqari mashg’ulotlarni qo’llash orqali kimyo o’qitish samaradorligini oshirish.
Tadqiqot ob’ekti. Umumiy o’rta ta’lim maktablarida kimyo o’qitish jarayoni.


Tadqiqot predmeti. O’quvchilarning sinfdan tashqari mashg’ulotlarda mustaqil bilim olish faoliyati.