Mavzu: O’quvchilarga rangli metallar va ularni qotishmalarini mexanik xossalarini o’rgatish usullari

O‘qitishni tashkil etish shakllari: dialog, polilog, muloqot, hamkorlik va o‘zaro o‘qitishga asolangan frontal, jamoaviy va guruhlarda o‘qitish.
O‘qitish vositalari: o‘qitishning an’anaviy vositalari (o‘quv qo‘llanma, ma’ruza matni, tarqatma materiallar) bilan bir qatorda – chizmali organayzerlar, kompyuter va axborot texnologiyalari.
Kommunikasiya usullari: talabalar bilan tezkor qaytar aloqaga asoslangan bevosita o‘zaro munosabatlar.
Qaytar aloqalarning (ma’lumotning) usul va vositalari: tezkor-so‘rov, o‘qitish diagnostikasi.
Boshqarish usullari va vositalari: o‘quv mashg‘uloti bosqichlarini belgilab beruvchi texnologik karta ko‘rinishidagi o‘quv mashg‘ulotlarini rejalashtirish, qo‘yilgan maqsadga erishishda o‘qituvchi va tinglovchining birgalikdagi harakati, nafaqat auditoriya mashg‘ulotlari, balki auditoriyadan tashqari mustaqil ishlarning nazorati.
Monitoring va baholash: o‘quv mashg‘ulotida va butun kurs davomida
mavzu yuzasidan nazorat savollarini berib borish orqali o‘qitishning natijalari rejali tarzda kuzatib boriladi. Kurs oxirida test topshiriqlari yordamida tinglovchilar (talabalar)ning bilimlari baholanadi.
2.2. Mutaxassislik fanlarini o‘qitishda interfaol texnologiyalar
Sayoxat texnologiyasi
Maqsadi: “Sayohat” texnologiyasi murakkab, ko‘p tarmoqli, mumkin qadar muammo harakterdagi mavzularni o‘rganishga qaratilgan. Texnologiyaning mohiyati shundan iboratki, bunda mavzuning turli tarmoqlari bo‘yicha biryo‘la axborot beriladi, ularning har biri alohida muhokama etiladi. Talabalarda mantiqiy, tahliliy, tanqiqdiy fikrlashni rivojlantirishni hamda o‘z g‘oyalarini, qobiliyatlarini o‘stirishga xizmat qiladi.
Qo‘llanishi: Bu texnologiya kichik guruhlarda laboratoriya va amalliy mashg‘ulotlarrida (talaba soni 20 tagacha bo‘lgan) olib boriladi, Barcha ishtirokchilar 4-5 kishidan iborat kichik guruhchalarga bo‘linadilar. Mavzudan kelib chiqqan holda bir qancha tarqatmali materiallar har bir guruhga tarqatiladi. 15 daqiqa davomida har bir guruh o‘z tasavvuridan kelib chiqib, guruhga berilgan ma’lum biror bir chizma shaklida ifodalaydi va guruhdan bir kishi chiqib chizmadagi fikrlarni og‘zaki bayon qiladi, ijobiy va salbiy tomonlari, afzallik va kamchiliklari muhokama qilinadi.