Mavzu: Optik linza ishlab chiqaruvchi korxonani dasturiy ta’minotini yaratish

1.2. Java dasturlash tilida ob’ektli ma’lumotlar turlari

Xozirda ko‘plab ob'ektga yo‘naltirilgan dasturlash tillari mavjud. Ob’ektga yo‘naltirilgan dasturlashning (OYD) avvalgi chiziqli dasturlashdan ustunlik tomoni ham xozirda ko‘pchilikka yaxshi ma’lum. Lekin hali faqat ob’ektlar bilan ishlaydigan dasturlash tillari barmoq bilan sanarli darajada kam. Bunday dasturlash tilidan foydalanish orqali siz OYD ning to‘liq imkoniyatlarini ishlatib, har qanday katta dasturlarni ham osonlik bilan yaratishingiz mumkin. Javaning ko‘plab ob’ektga yo‘naltirilgan asoslari C++ dan olingan, lekin shu bilan birga u boshqa dasturlash tillaridagi qoidalarni ham o‘zida mujassamlashtirgan. Java o‘z ichiga ko‘plab primitiv ma’lumot turlari, tarmoqlar, Internet protokollari va shu kabi klass kutubxonalarni oladi. Uning klass kutubxonalari xam xuddi Java dasturlari kabi o‘zining platforma mustaqilligiga ega.

Odatda sonli kattaliklar bilan ishlayotganimizda byte, int, long, double kabi sodda ma'lumotlar turlaridan foydalanamiz.

Dasturlar tuzish va ularni rivojlanish jarayonida sodda ma’lumot turlari o‘rniga ob’ektlardan foydalanishimizga to‘g‘ri keladi. Ob’ektli ma’lumotlar turlaridan foydalanish uchun Java dasturlash tili bizga klasslardan tashkil topgan paketni taqdim etadi. Bu klasslar Number mavhum klassiga tegishli klasslar hisoblanadi.

Ob’ektli ma’lumotlar turlariga Integer, Long, Byte, Double, Float va Short klasslari kiradi. (1-rasm)

1-rasm
Number klassiga tegishli har bir klass o‘zining sodda ma’lumotlar turini o‘z ichiga oladi. Sodda ma’lumotlar turlarini ob’ektga aylantirish joylashtirish (boxing) deb ataladi va bu kompilyator tomonidan bajariladi.

Ob’ektli ma’lumotlar turlaridan sodda ma’lumotlar turlariga qiymatlarni o‘tkazish joylashtirish (unboxing) deb yuritiladi. Number klassi java.lang paketining bir qismidir. Quyidagi misolda joylashtirish (boxing) va qutilish (unboxing) lar uchun namuna keltirilgan.