Mavzu: Ona-Vatan

II BO'LIM BO'YICHA DARS ISHLANMALARI

9- dars

Odob kishining zeb-u ziynati.

Mavzu: So'zlashish odobi

Maqsad:

a) ta'limiy: o'quvchilarga odob bilan yoqimli so'zlashish, shirinso'zli bo'lish haqida ma'lumot berish;

b) tarbiyaviy: o'quvchilarda odob bilan yoqimli so'zlashish ko'nikmalarini shakllantirish;

d) rivojlantiruvchi: o'quvchilarda odob bilan yoqimli so'zlashish fazilatlarini rivojlantirish.

Dars uslubi: an'anaviy (ayrim interfaol metodlar qo'llangani holda).

Dars jihozi: mavzuga oid rasmlar.

Dars texnologiyasi

Dars elementlari	I	II	III	IV	V	VI	VII	VIII	IX	X	XI
Davomiyligi	2	3	5	5	5	5	5	5	3	5	2

Texnologik xarita

Mavzu	So'zlashish odobi
Maqsad va vazifalar	O'qituvchi: o'quvchilarda odob bilan yoqimli so'zlashish, shirinso'zli bo'lish haqidagi tushun- chani tarkib toptirish.
Dars jarayonining borishi	Tashkiliy qism. O'quvchilardan shirinso'zlik nima ekanini so'rash. Darslikdan "Buni bilib oling" shartli belgisi orqali taqdim etilgan matnni o'qitish. Didaktik o'yin. Matnni ifodali o'qish. Umumlashtirish va xulosalash. Uyga vazifa berish.
O'quv jarayonini amalga oshirish texnologiyasi	Uslub: an'anaviy (ayrim interfaol metodlar qo'llangani holda). Shakl: sinf-dars. Texnologik usul: didaktik o'yin. Vosita: darslik, rasm. Nazorat: frontal, yakka.
Kutilayotgan natijalar	O'qituvchi: darsning maqsadiga erishish.	O'quvchi: odob bilan yoqimli so'zlashish va shirin so'zlikning zarur ekanligini anglash.
Kelgusi rejalar	O'qituvchi: o'tilgan mavzuning keyingi mavzu bilan uyg'un- ligini ta'minlaydi. O'quvchilarda shirin so'zlik fazilatini tarkib toptiradi.	O'quvchi: odob bilan yoqimli so'zlashishning ahamiyatini anglaydilar.

Darsning borishi:

I . Tashkiliy qism.

II. O'tgan mavzularni takrorlash.

III. O'qituvchi yangi mavzuni e'lon qiladi.

IV. O'qituvchi o'quvchilarga darslikdan "Buni bilib oling" shartli belgisi orqali taqdim etilgan matnni o'qitib, har bir kishi shirin so'zlik va yoqimli suhbatlasha olish fazilatiga ega bo'lishi zarurligini ta'kidlaydi.

V. Didaktik o'yin: odob bilan yoqimli so'zlashish va shirinso'zlik mazmunini ifodalovchi tushunchalarni ketma-ket aytish: masalan, yomon va uyat so'zlami og'izga olmaslik, qichqirib gapirmaslik, muloyim so'zlash, "xo'p bo'ladi", "rahmat", "marhamat" kabi so'zlarni ishlatish \a b.

VI. Dam olish daqiqasi: Shirinso'zlik haqida qo'shiq tinglanadi.

VII. Matnni ifodali o'qish. Darslikda taqdim etilgan "Qo'pol so'zdan saqlan" hikoyasi ifodali o'qiladi.

VIII. Unga ilova qilib berilgan rasm hamda savollar asosida suhbat o'tkaziladi.

IX. Darslikda berilgan jumboqlar yechiladi (til va shirin so'zlari).

X. Dars yakunlanib, o'quvchilar bilimi rag'batlantiriladi.

XI. Uyga vazifa: "Og'iz bitta, quloq ikkita" mavzusidagi matnni o'qish va o'z fikrini bildirish.