Mavzu: Mustaqillik va ona tili haqida suhbat

IV.Darsda o’tilganlarni mustahkamlash.
— Narsaning miqdorini, tartibini bildiradigan so’zlar nima deyiladi?
— Tartib sonlarni qaysi qo’shimcha yordamida hosil qilamiz?
— Noaniq miqdorni bildirish uchun sonlardan keyin qanday so’zlar qo’yiladi?
— Sifatlar narsaning nimasini bildiradi?
— Matndan belgi, miqdor bildiradigan so’zlar tushib qolsa, gap mazmunida qanday o’zgarish bo’ladi?
— Buni aniqlash uchun yuqoridagi mashqning belgi, miqdor bildirgan so’zlarini tushirib, o’qib ko’ring.
— So’z turkumlari nimalariga ko’ra farqlanadi?
V. O’quvchilarni rag’batlantirish.
VI.Uyga vazifa.
147- mashq. Uyga „Gulxan” jurnalidan qiziqarli matn topib yozish, ot, sifat, fe’l va sonlarni aniqlab, belgilash topshiriladi.

Sana:________________________________

MAVZU: Ot — so’z turkumi (takrorlash)
Darsning maqsadi: a) o’quvchilarning ot so’z turkumi, uning so’roqlari, atoqli va turdosh otlar, otlarning gapdagi vazifalari haqidagi bilimlarini aniqlash. Bilganlarini darslikdagi mashqlar, tarqatma materiallar orqali mustahkamlash. O’quvchilarning lug’atini me –morchilik obidalari, mutafakkir, mashshoq, homiy, mulozim so’zlari bilan boyitish. So’zlarning ma’nosini izohlash;
b) o’quvchilarni xalqimiz o’tmishiga, ajdodlarimiz yaratgan merosga hurmat ruhida tarbiyalash.
d)Ularning ongiga o’tmishsiz kelajak yo’q degan g’oyani singdirish orqali tarixiy asarlar, me’morchilik obidalarini o’rga-nish, ularni asrashga o’quvchilarni undash.
Darsning turi: yangi bilim beruvchi dars.
Darsning metodi: suhbat metodi.
Darsning jihozlari: shaxs va narsa rasmlari.
Darsning borishi:I.Tashkiliy qism.
Saylanma diktant.
Matndagi kim?, nima? So‘roqlariga javob bo‘lgan so‘zlarni yozing.
Qalampir, mushtipar, charog‘on, tinchlik, tarixiy, to‘tiqush, handalak, munavvar, haydovchi, oshpaz
O‘qituvchi diktant so‘zlarini doskaga yozadi. O’quvchilar yozganlarini shunga qarab tekshiradilar.
— Qaysi so’zlarni daftaringizga yozdingiz?
— Har bir so’zning ustiga so’rog’ini yozib qo’ying.
— Kim? So’rog’iga javob bo’lgan so’zlarni o’qing.
— So’zlar insonning nimasini bildiradi?
— Munavvar so’ziga yana qanday so’roq berish mumkin?
— Munavvar so’zini bosh harf bilan yozsak, qaysi so’z turkumiga, kichik harf bilan yozsak, qaysi so’z turkumiga kiradi?
— Nima? So’rog’iga javob bo’lgan so’zlarni o’qing.
— Qaysi so’zlarni yozishda xato qildingiz? (To’tiqush, handalak, haydovchi.)
— So’zlarni bo’g’inlarga bo’lib o’qing. (to’-ti-qush, han-da-lak, hay-dov-chi.) So’zlarning yozilishini doskaga qarab tekshiring. Yozilishini esda tuting. Shu so’zlarni qatnashtirib, gaplar tuzing. (Haydovchi avtobusni to’xtatdi. Polizdan handalakning isi taraldi. Biz hayvonot bog’ida to’tiqushni ko’rdik.)
— Kim?, nima? So’rog’iga javob bo’lgan so’zlar predmetning nimasini bildiradi?
— Predmetning nomini bildirib, kim?, nima? So’roqlariga javob bo’lgan so’zlar qaysi so’z turkumiga mansub?