Mavzu: Multimediali amaliy paketlar va dasturlar

HotPotatoes dasturida bilimlarni mustahkamlashga doir elektron krossvordlar yaratish tavsifi

HotPotatoes dasturida olingan bilimlarni mustahkamlashga doir elektron krossvordlar yaratishdan avval savollarni tayyorlab olamiz. Bundan keyin HotPotatoes dasturining JCross funksiyasini ishga tushiramiz.

HotPotatoes dasturining JCross funksiyasi

Hosil bo‘lgan oynaning ko‘rsatilgan jadvaliga topilishi zarur bo‘lgan so‘zlarni joylashtirish mumkin bo‘ladi.

HotPotatoes dasturida so‘zlarni joylashtirish

Dasturning Imya bandida yaratilayotgan krossvordga nom berish mumkin. Shundan so‘ng Opredeleniya tugmasi bosiladi. Bu funksiya yordamida so‘zlarga tushuncha beriladi.

HotPotatoes dasturida so‘zlarga tushuncha berish

OK tugmasi bosilgandan so‘ng dastur so‘zlarga mos tushunchalarni qabul qiladi. Endi tayyor bo‘layotan krossvordning dizaynini sozlashlarni amalga oshirish mumkin. Buning uchun dasturning yuqori qismida joylashgan menyudan Vibor tugmasi bosiladi. Ochilgan yangi oynada turli sozlashlarni amalga oshirish mumkin.

Podskazki\Kommentariy bandida krossvordning gorizontal va vertikal yo‘nalishlariga tushuncha berish mumkin. Masalan, “Across”va “Down” yoki “Gorizontal bo‘yicha” va “Vertikal bo‘yicha” deb yozish mumkin.

Agar barcha javoblar to‘g‘ri kiritilsa, ekranda “Muvaffaqiyatli o‘tildi” degan xabar, agar krossvord to‘liq to‘ldirilmagan yoki noto‘g‘ri to‘ldirilgan bo‘lsa, “Ba’zi javoblar noto‘g‘ri” degan xabar paydo bo‘ladi.

Krossvord bajarib bo‘lingandan keyin “Tekshirish” tugmasi bosilsa, “To‘plagan ballingiz” xabaridan so‘ng to‘plangan ball paydo bo‘ladi.

Bundan tashqari ushbu menyuda yaratiladigan krossvordning dizaynini, maslan fon rangi, mashq yozuvlari rangi, buyruq so‘zlar rangi va o‘lchami kabi sozlashlarni bajarish mumkin.

HotPotatoes dasturida krossvord dizaynini yaratish
Barcha sozlashlarni bajarib bo‘lgandan so‘ng, tayyor bo‘lgan krossvordni saqlash mumkin. Buning uchun Fayl menyusiga, undan so‘ng esa Sozdat Vebstranisu bandiga, so‘ngra vebstranisa dlya brauzer bandiga o‘tiladi va sichqoncha chap tugmasi bosiladi.

Saqlangan faylni topib, uni ishga tushirilsa, brauzerda krossvord paydo bo‘ladi.

HotPotatoes dasturida yaratilgan krossvord

HotPotatoes dasturida yaratilgan krossvordni Internet Explorer, Opera, Mozilla kabi istalgan zamonaviy brauzerlarda ochish mumkin.