Мавзу; Мирзачўл минтақаси Режа; кириш ўзбекистоннинг Мирзачўл минтақаси

Ташқи иқтисодий алоқалар ва транспорт. 2000 йил Сирдарё вилоятининг ташқи савдо айланмаси 83,1 млн. АқШ доллари, шундан экспорт ҳажми 49,7 ва импорт 33,4 млн. долларга тенг бўлди. Унинг аксарияти МДҲ мамлакатлари ва бошқа хорижий мамлакатлар билан олиб борилган савдо­сотиққа тўғри келди. Шунингдек, қўшма корхоналарнинг экспорт ҳажми 0,1, импорт ҳажми эса 1,8 млн. АқШ долларини ташкил этган.
Сирдарё вилояти ҳудудидан Тошкентни, мамлакатимиз жанубий ва марказий районларини Фарғона водийси билан боғлайдиган Тошкент-Сирдарё-Гулистон-Ховос-Фарғо­на водийси,Тошкент-Сирдарё-Жиззах-Самарқанд-қар­ши-Термиз темир йўллари ўтади. Бундан ташқари, вилоятда ички алоқаларини таъминлашга хизмат қилувчи транспорт тизими ҳам ривожланмоқда. Бу ўринда Сирдарё-Гагарин-Дўстлик-Пахтакор-Жиззах темир йўли ҳамда вилоятни Тошкент билан боғловчи темир йўлнинг электрлаштирилганлиги катта аҳамиятга эга.
Иқтисодиётнинг ҳудудий таркиби. Гулистон–вилоят саноат ишлаб чиқаришида етакчи мавқега эга ва маъмурий марказ ҳисобланади. Саноат маҳсулотининг 23,1 фоизи шу шаҳар зиммасига тўғри келади. 1896 йилда бу ерда, Тошкент-Красноводск темир йўлининг қурилиши бошланган пайтда, бугунги Гулистон ўрнида кичик Аччиққудуқ қишлоғи бор эди. 1905 йилда у Мирзачўл станцияси деб атала бошланди. Ҳозирги пайтда Гулистонда бир неча енгил ва озиқ­ овқат саноат корхоналари мавжуд. Бундан ташқари, шаҳарда қурилиш материаллари комбинати, тикувчилик фабрикаси ишлаб турибди.
Янгиер шаҳри ривожланиш даражасига кўра иккинчи ўринда. Мазкур шаҳар 1956 йили ташкил этилган. Тошкент-Ховос темир йўли, Катта Ўзбекистон тракти бўйида, Жанубий Мирзачўл канали ёқасида жойлашган. Бу шаҳарда қурилиш материаллари, пахта тозалаш ва ун саноатининг келажакда янада ривожланиши учун барча шароитлар етарли. Ҳозирда жами вилоят саноат маҳсулоти ҳажмининг 3,6 фоизи Янгиер шаҳрига тўғри келади (2000 йил).
Туманлардан Сирдарё, Сайхунобод, Оқолтин саноат ва қишлоқ хўжалиги маҳсулотлари етиштириш бўйича нисбатан яхши ривожланган. Айни чоғда бу кўрсаткичлар Мирзаобод, Меҳнатобод ва Гулистон туманларида суст даражада.
Сирдарё вилояти мамлакатимизда хорижий сармояларни жалб этиш ва шу асосда қўшма корхоналар қуриш борасида анча орқада. Аммо вилоят туманларини ижтимоий­ иқтисодий ривожлантириш учун тегишли имкониятлар мавжуд.